रामेछाप २२ चैत्र । मन्थली नगरपालिका ६ स्थित कुनाउरीमा ‘रंगलाशाला’ निर्माणको कामले औपचारिक रुपमा प्रबेश पाएको छ । मंगलबार बागमती प्रदेश सदस्य तारानारायण श्रेष्ठले कुनाउरिको खेल मैदानमा रंगशालाको शिलान्यास गरेसंगै उक्त कार्यले प्रबेश पाएको हो । जस अनुसार पहिलो चरणमा कुनाउरीमा रहेको खेलमैदानलाई ब्यबस्थित तरिकाले निर्माण गर्ने र खेल मैदानको तयारी पछि रंगशाला निर्माणको काम अगाडि बढाउने योजना पनि अघि बढाईएको छ ।
खेलमैदान निर्माणको लागि राष्ट्रिय खेलकुद परिषद् (राखेप) ले एक करोड बजेट विनियोजित गरेको छ । ‘भ्याट बाहेक ८० लाख रुपैयाँको तार बार गर्ने गरी उपभोक्ता समिति मार्फत काम अगाडि बढाइने भएपछि उक्त रंगशालाको उद्घाटन सांसद श्रेष्ठले गर्नु भएको हो ।
शिलान्यास कार्यक्रम पछि सांसद श्रेष्ठले कुनाउरीमा निर्माण हुन लागेको रंगशालाले जिल्लाको खेलकुदको विकासमा भारी सहयोग पुर्याउने बताउनु भयो । उहाँले भन्नु भयो उक्त रंगशालाको काम निर्माण भएसंगै कुनाउरीको आर्थिक विकासमा पनि टेवा पुग्ने छ ।
समितिले फुटबल मैदानलाई आवश्यक पर्ने १ सय ५ मिटर लम्बाई र ६८ मिटर चौडाइ मध्ये १ सय ५० मिटर लम्बाई र १ सय मिटरको चौडाइमा तार बार गर्नै कार्यक्रम पनि योजनमा रहेको छ ।’
फुटबल, भलिबल लगायत राष्ट्रिय स्तरका खेल खेलाउन मिल्ने लक्ष्यका साथ आवश्यक वृहत् योजना सहित रंगशालाको शिलान्यास गरिएको उपभोक्ता समितिका अध्यक्ष नवराज माझीले बताउनु भयो । उहाँका अनुसार – ‘रंगशाला निर्माणको यो पहिलो चरणको काम सुरु भएको हो ।
कुनौरी मैदानमा विगतमा पनि जिल्ला स्तरका विभिन्न खेलकुद कार्यक्रमहरू हुँदै आएको कुनाउरिमा चालु आर्थिक वर्षमा रंगशाला निर्माणको लागि राम्रो फुटबल मैदानको रूपमा स्थापित हुने छ । रंगशालाको शिलान्यास संगै त्यसका लागि आवश्यक पर्ने दुई सय रोपनी भन्दा बढी जग्गामा तरबार र घेराबन्दी दीर्घकालीन तरिकाले लगाइने छ ।
अध्यक्ष माझीका अनुसार रंगशालाको (डिपिआर) अनुसार राष्ट्रिय खेलको लागि पर्याप्त हुने गरी रंगशाला, स्विमिङ पुल र कवर्ड हल सहितको संरचनाहरू निर्माण हुने छन् । त्यसको लागि जिल्ला खेलकुद विकास समितिले योजनाबद्ध काम गरिरहेको माझीले जानकारी दिए ।
यो बारेमा तपाईको प्रतिकृया