रामेछापमा वलेरो दुर्घटना हुँदा मृत्यु हुने ४ जनाको सनाखत (नाम सहित)

मन्थली, चैत्र २३ । रामेछापको मन्थली नगरपालिका वडा नं ७ को कौछिनी (मगर गाँउ नजिक) भएको वलेरो दुर्घटनामा परी मृत्यू हुने ४ जनाकै सनाखत भएको छ ।
रामेछापको सदरमुकाम मन्थली बाट दिउसो मन्थली नगरपालिकाको वडा नं ७ स्थित कौछिनी तर्फ जाँदै गरेको वा ११ च ५५३ नं को वलेरो सडक बाट करिव १ यस मिटर तल खस्दा घटनास्थलमै मृत्यु हुनेमा मन्थली न पा ७ की ८२ बर्षिया नन्द माया भण्डारी, सोहि वडाकी ५५ बर्षकी ज्ञान दानी तामाङ ६८ बर्षका जेनसुन तामाङ र सुनापति गाँउपालिका वडा नं १ गुन्सीकी ८ बर्षिकी लाक्पा घिसिङ रहेका छन् ।
दुर्घटनामा परी घाइते हुने ११ जना मध्ये चालक सहित २ जनाको अबस्था गम्भिर रहेको र उनीहरुको मन्थली अस्पताल र रामेछाप सामुदायिक अस्पतालमा उपचार भैरहेको छ ।
मोडने क्रममा ब्रेक नलागेपछि कौछिनीको मगरगाँउ नजिक को सडकबाट करिब १ सय मिटर तल खसेको प्रहरीको प्रारम्भिक अनुमान रहेको छ ।