मन्थली,२५ चैत्र । भूतपुर्व प्रहरी संगठन रामेछापको अध्यक्षमा कुमार खत्री निर्विरोध निर्वाचित भएका छन् ।
नेपाल पूर्व प्रहरी संगठनको शनिवार मन्थलीमा सम्पन्न चौथो जिल्लाअधिवेशनले मन्थली–१ का कुमार खत्रीको नेतृत्वमा वीस सदस्यीय नयाँ कार्यसमिति निविरोध रुपमा चयन गरेको हो ।
यसरी निर्वाचित हुनेहरुमा प्रथम उपाध्यक्षमा राम बहादुर वरुवाल, द्वितिय उपाध्यक्षमा अर्जुन वहादुर खड्का, सचिब केशर बहादुर श्रेष्ठ, सह सचिवमा क्षेत्र बहादुर बुढाथोकी, कोषाध्यक्षमा ढाकल थापा, सह कोषाध्यक्षमा यादव कुमार खड्का रहेका छन् । त्यसैगरी सदस्यहरुमा क्रमश सूर्य नेपाली, रत्न थापा, कृष्ण बहादुर रानामगर, हेम बहादुर बरुवाल, पदम बहादुर श्रेष्ठ, मनमान नेपाली, भूपाल थापा, रामजी के शी, सिताराम खड्का लगाएतका रहेका छन् । बिधान अनुसार क्षेत्रगत र समावेसीका आधारमा ५ जना सदस्यहरु भने पछि मनोनित गर्ने योजना रहेको नव निर्वाचित अध्यक्ष खत्रीले बताउनुभयो ।
संगठनका निवर्तमान अध्यक्ष शरद लामाको अध्यक्षता एबं प्रहरी नायव उपरीक्षक होम बहादुर पराजुलीको प्रमुख अतिथ्यतामा उक्त कार्यक्रम सम्पन्न भएको हो ।
कार्यक्रमका अवसरमा बोल्दै प्रमुख अतिथि पराजुलीले भूतपुर्व प्रहरीहरुले प्रहरी सेवामा पु¥याएको योगदानको उच्च प्रशंसा गर्दै उनीहरुको थप बृत्ति विकास, हक अधिकार एबं सुबिधाको लागि पनि संगठनको आबश्यकता पर्ने बताउनुभयो ।
उहाले भन्नुभयो– “सत्य सेवा सुरक्षणम् ,भन्ने प्रहरीको मूल मर्मलाई आत्मसाथ गर्दै नेपाल प्रहरीको मुलधारमा रहेर काम गरीसकेका भुपु प्रहरीहरुका लागि अहिले पनि सरकारले प्राथमिकता दिन सकेको छैन ।”
कार्यक्रमका अध्यक्ष लामाले सबै भूपु प्रहरीहरुका लागि संगठनको आबश्यकता रहेको बताउनुभयो । उहाले भूपु प्रहरीहरुलाई एकतामानै वल छ भन्ने कुरालाई आत्मसाथ गर्दै सबैलाई संगठित भएर अघि बढ्न आग्रह गर्नुभयो ।
उहाले भन्नुभयो – “भूपु सैनिकहरुले जस्तै प्रहरीले पनि भुपुका नाउमा राज्य वाट पाउने विभिन्न सेवाहरु पाउनुपर्ने र त्यसका लागि नयाँ बन्ने नेतृत्वले सबैलाई समेटेर प्रभावकारी ढंगवाट काम गर्नु पर्दछ । ” कार्यक्रममा जिल्ला भरीका गरी १ सय भन्दा बढि भुपु प्रहरीहरुको सहभागिता रहेको थियो ।
यो बारेमा तपाईको प्रतिकृया