मन्थली,२६ चैत्र । रामेछाप उद्योग बाणिज्य संघले यहि २०८० वैशाख १ र २ गते जिल्ला सदरमुकाम मन्थलीमा रामेछाप सास्कृतिक तथा सडक महोत्सव गर्ने भएको छ ।
संघले आइतवार पत्रकार सम्मेलनको आयोजना गरी उक्त महोत्सव गर्ने बताएको हो । महोत्सवमा जिल्लाका सबै खाले जातजातिको आ आफ्नो संस्कृति अनुसारको झाँकी प्रदर्शन, रैथाने वालीबाट उत्पादित सबै वस्तुको परिकार, स्थानीय लोकदोहोरी, झाँकी, बालन भजन, खैँचडी नाच लगाएतका कृयाकलापहरुको प्रदर्शन गर्ने बताइएको छ ।
त्यसैगरी जिल्लामा उत्पादित बिभिन्न खाद्यान्नका परिकारहरु,नेवारी परिकारहरुको ब्यवस्था गरिने र महोत्सबमा नेवारी समुदायको लाखे नाँच, माझी समुदायको माझी नाच, हायुहरुको सस्कृति, लगाएत रामेछाप कलाकार समाजको बेजोड प्रस्तुति रहने रामेछाप उद्योग बाणिज्य संघका बरिष्ठ उपाध्यक्ष प्रकाश कुमार श्रेष्ठले बताउनुभयो ।
महोत्सवका लागि रामेछाप उद्योग बाणिज्य संघका अध्यक्ष नविन कुमार थापामगरको संयोजकत्वमा २९ सदस्यीय मूल समारोह समिति गठन गरीएको छ भने जिल्ला समन्वय प्रमुखको संरक्षकत्वमा मन्थली र रामेछाप दुवै नगरापालिकाका नगरप्रमुखहरु, प्रमुख जिल्ला अधिकारी, सुरक्षा निकायका प्रमुखहरु र राजनैतिक दलहरु सल्लाहकार रहने गरी अर्को समिति पनि गठन गरीएको छ ।
रामेछाप जिल्लामा उत्पादित वस्तु तथा वस्तुबाट बनेका परिकार अन्य कृषिजन्य वस्तु दुग्धजन्य वस्तु जडीबुटीलगायत वस्तुहरूलाई सदरमुकाम मन्थलीमा जिल्लाभरी उत्पादित वस्तु प्रदर्शनीमा राखिने कार्यक्रम रहेको छ । त्यसैगरी स्थानीय तथा जिल्लाभित्र रहेका उद्योगी तथा व्यवसायीहरूले उत्पादन गरेका तथा दैनिक उपभोग्य वस्तु सेवाहरूका साथै कृषिजन्य तथा हस्तकलाका सामानहरू उपभोक्ता समक्ष परिचित गराई व्यवसाय विस्तार तथा प्रर्बद्धनमा सहयोग पु¥्याउने महोत्सवको प्रमुख उद्धेश्य रहेको छ । त्यसैगरी जिल्लामा उत्पादित वस्तुहरूलाई राष्ट्रिय स्तरसम्म पु¥्याउने ,आन्तरिक तथा बाह्य पर्यटक प्रर्वद्धन गर्ने ,साहित्य, कला र संस्कृतिको संरक्षण र सम्बद्र्धन गर्ने , कृषि उपज तथा खानीजन्य वस्तुको प्रचार प्रसार गर्ने लघु, घरेलु तथा साना र मझौला उद्यमीहरूको विकासमा प्रत्यक्षरूपमा सहयोग पु¥्याउने , लोपोन्मुख जात जातिहरूको झाँकी प्रदर्शन गराउने र रैथाने बालीबाट उत्पादित वस्तुका खानेकुरा प्रदर्शन गराएर यसलाई जिल्लाको उत्पादनका रुपमा चिनाउने उद्धेश्य पनि रहेको कार्यक्रमका अबसरमा जानकारी गराइएको थियो ।
करिव १० लाख खर्च हुने अनुमान गरिएको उक्त कार्यक्रममा ५० हजार मानिसहरु सहभागि हुने अपेक्षा आयोजकले गरेको छ । यस कार्यक्रमलाई मुख्य रुपमा मन्थली नगरपालिकाले सहयोग गरेको संघका कार्यकारी अधिकृत नविन के सीले जनाकारी दिनुभयो । सोहि बिषयलाई लिएर आइतवार विहान सर्वपक्षिय बैठक बसेको थियो भने दिउसो यातायात ब्यवसायीहरु सँग रामेछाप उद्योग बाणिज्य संघले छलफल गरेको थियो ।
यो बारेमा तपाईको प्रतिकृया