रामेछापको जुनारमा आगलागी

रामेछाप २९ चैत । जिल्लाको रामेछाप नगरपालिका वडा नं ६ ओख्रेनीको जुनार बगैचामा आगलागि भएको छ । आगोलागीबाट स्थानिय फत्त बहादुर खड्काको एकसय बोट र लाल बहादुर तामाङ्गको ३ सय वोट जुनारको बगैँचा जलेर नष्ट भएको हो । जुनार बगैचाबाट मात्र फत्त बहादुरले बार्षिक ८ लाख र लाल बहादुरले बार्षिक ४ लाख रुपैयाँ आम्दानी गर्दे आएका थिए ।
सिलिङ्गे चेप्टेढुङ्गा सामुदायीक बनमा लागेको आगो नियन्त्रण बाहिर गएर उक्त जंगल नजिकैको बगैचामा पुगेको थियो । स्थानियहरुको प्रयासमा लागेको आगो नियन्त्रणको प्रयास भएपनि आगो नियन्त्रणमा आउन नसकेपछि आगो जंगल नजिकैको जुनार बगैँचामा फैलिँदा ठुलो संख्यामा जुनारको बगैँचा जलेर नष्ट भएको वडाध्यक्ष राजेश तामाङ्गले जानकारी दिनु भयो ।
जंगलमा लागेको आगो अकल्पनिय ढंगले नियन्त्रण बाहिर जाँदा जुनारको बगैचाका करिब ७० बोट जुनार नष्ट भएको मौखिक जानकारी मात्र आफुले पाएको रामेछाप नगरपालिकाका कृषि शाखा प्रमुख कृष्ण भूजेलले जानकारी दिनु भयो । तर जुनार बगैचामा लागेको आगो र क्षतिको पुर्ण विवरण भने नगरपालिकामा आधिकारिक रुपमा आई नसकेको पनि प्रमुख भुजेलले बताउनु भयो । बँगैचामा लागेको आगोका कारण लाखौं रुपैयाँ बराबरको जुनार वगैचा नष्ट भएको छ ।