रामेछाप,३० चैत । रामेछाप उद्योग वाणिज्य संघको अगुवाइमा यहि वैशाख १ र २ गते हुन लागेको रामेछाप सास्कृतिक तथा सडक महोत्सव–२०८० को अन्तिम तयारी पुरा भएको छ ।
संस्थाका वरिष्ठ उपाध्यक्ष प्रकाश कुमार श्रेष्ठकाले महोत्सवका लागि विहिवार साँझ सम्म वजार सरसफाई, मञ्च ब्यवस्थापन तथा स्टल निर्माण लगाएतका कामहरु सकिएको र केहि वाँकी काम हरु शुक्रवार विहान भरीमा सक्ने योजना रहेको बताउनुभयो ।
मुख्य आयोजक रामेछाप उद्योग बाणिज्य संघ रहेको उक्त कार्यक्रममा लागि मुख्य प्रायोजक मन्थली नगरापलिका रहेको छ भने प्रायोजकका रुपमा रामेछाप नगरपालिका रहेको छ । त्यसैगरी सहयोगी संस्थाका रुपमा घरेलु तथा साना उद्योग कार्यालय रहेको छ भने सह–आयोजकमा रामेछाप होटल तथा पर्यटन ब्यवसायी संघ रहेको छ ।
कार्यक्रमका अवसरमा स्थानीय तथा राष्ट्रिय स्तरका कलाकार हरुको बेजोड प्रस्तुति रहनुका साथै नेवारी समुदायको लाखे नाच, माझी समुदायको माझी नाच, लगाएतका विभिन्न झाँकीहरु प्रदर्शन गरिनुका साथै होटल तथा पर्यटन ब्यवसायिहरुले खानाका बिभिन्न परिकारहरु तयार पारी प्रदर्शनीमा राख्ने कार्यक्रम रहेको महासंघका महासचिब कुमार श्रेष्ठ ले जानकारी दिनुभयो ।
यसै विच यहि कार्यक्रमको विषयलाई लिएर जिल्ला प्रशासन कार्यलयमा रामेछाप उद्योग बाणिज्य संघका पदाधिकारीहरु र सुरक्षा समितिका सदस्यहरु बिच भएको बैठकमा एकतर्फी रुपमा सवारी अवागमनलाई बाधा नपर्ने गरी गरी शन्तिपूर्ण ढंगबाट महोत्सव सञ्चालन गर्ने र कार्यक्रमका वेला सडकमा राखिएका मञ्च तथा स्टलहरुलाई कार्यक्रम सकिना साथ हटाई सरसफाई गर्ने लगाएतका ४ बुँदे निर्णयहरु भएका छन् ।
यो बारेमा तपाईको प्रतिकृया