नीति तथा कार्यक्रम र बजेटको तयारीमा जुटेका छन् । संविधानतः स्थानीय सरकारले आगामी असार १० गतेभित्र बजेट सार्वजनिक गरिसक्नुपर्ने कानुनी प्रावधान भएकाले जिल्लाका सबै स्थानीय तहहरू सोही प्रयोजनको तयारीमा जुटेका छन् ।
प्राय सबै स्थानीय तहहरूले आगामी वर्ष पनि कृषि शिक्षा र स्वास्थ्यको क्षेत्रलाई केन्द्र विन्दुमा राखेर बजेट निर्माणको काम लाई तीव्र बनाएका छन् । रामेछापका स्थानीय तहहरू आगामी आर्थिक वर्ष २०८०÷८१ कोी आर्थिक वर्षको बजेट निर्माणका लागि कतिपय स्थानीय तहका जनप्रतिनिधिहरूले सरोकारवालासँग सुझावका आधारमा नीति, तथा कार्यक्रमहरू बनाई रहेका पनि छन् ।
आफ्नो कार्यकाललाई कसो गर्दा अब्बल र नागरिक मैत्री बनाउन सकिन्छ भन्ने उद्देश्य बोकेको सबै जनप्रतिनिधिहरूले उक्त अभिलाषालाई नीति तथा कार्यक्रममा राख्नैकै लागि पनि आवश्यक तयारी गरी रहेका छन् । असार १० गतै नगरसभा गर्ने तयारीमा जुटेको मन्थली नगरपालिकाले पनि शिक्षा,स्वास्थ्य र कृषिलाईनै पहिलो प्राथमिकतामा राखेर आगामी आर्थिक वर्षको नीति कार्यक्रम तयारी गरिरहेको छ ।
त्यसैगरि नीति तथा कार्यक्रम निर्माणको तयारीमा जुटेको रामेछाप नगरपालिकाले पनि कृषि, शिक्षा, पर्यटन र स्वास्थ्य क्षेत्रलाई प्राथमिकता दिएर आगामी १० गते नगर सभा राख्ने तयारीका साथ आवश्यक तयारी गरी रहेको नगर प्रमुख लबश्री न्यौपानेले जानकारी दिए ।
२ वटा नगरपालिका र ६ वटा गाउँपालिका रहेको रामेछाप जिल्लाका अन्य ६ वटा गाउँ पालिकाहरूले पनि नीति तथा कार्यक्रम र बजेटको आवश्यक तयारीलाई तीव्र बनाई रहेको उक्त पालिका हरुले जनाएका छन् । जसका लागि नगरपालिकाहरुले जस्तै सडक,कृषि, खानेपानी,शिक्षा, पर्यटन र स्वास्थ्य क्षेत्रलाई प्राथमिकतामा राखेर नीति तथा कार्यक्रम ल्याउने तयारी गरिरहेको बताएका छन् ।
यो बारेमा तपाईको प्रतिकृया