रामेछाप, १८ असार । गुरु पूर्णिमाको अबसर पारेर रामेछाप जिल्लामा रहेको एक मात्र संस्कृत विद्यालय शारदा संस्कृत मावि वाबिया खर्कले सोमवार देखि गुरुकुल शिक्षा पठन पाठन सुरु गरेको छ । उक्त विद्यालयमा आज गुरुकुल शिक्षाको औपचारिक उद्घाटन गरी सुरुवात गरिएको हो ।
सो विद्यालयमा यस अघि २०७८ साल देखि संस्कृत र कर्मकाण्ड आवासिय रुपमा पढाई हुने गरेको भएपनि हाल आएर गुरुकुल शिक्षा पनि सुरु गरिएकोे बिद्यालयका प्रधानाध्याक नारायण प्रसाद घिमिरेले बताउनुभयो । सो बिद्यालमा गुरुकुल शिक्षा सञ्चालन गर्न उठाइएको चन्दा र विद्यालयको आन्तरिक आम्दानी सहित २० लाख वारावरको कोष खडा गरिएको छ ।
गुरुकुलको उद्घाटन गर्दै रामेछाप नगरपालिकाका प्रमुख लवश्री न्यौपानेले यस शिक्षालाई अब निरन्तरता दिने गरी नगरको तर्फबाट पनि आबश्यक सहायोग गर्ने वताउनुभयो ।
सो अवसरमा स्थानीय समाजसेवी रामप्रसाद घिमिरे द्वारा उपलब्ध गराइएको गुरुकुल शिक्षाका लागि आबश्यक पर्ने ६ सेट ओढ्ने ओछ्याउने (सिरक, डस्ना र तकिया) सामानहरु कार्यक्रमका अबसरमा विद्यालयका प्रधानाध्यापक घिमिरेले लाई हस्तान्तरण गरिएको थियो ।
बिद्यालयमा हरेक वर्ष करिब ३० देखि ४० जना वटुकहरुलाई गुरुकुल शिक्षा प्रदान गरिने सो विद्यालयका प्रधानाध्यापक घिमिरेले वताउनुभयो । विद्यालय ब्यवस्थापन समितिका अध्यक्ष शिव प्रसाद घिमिरेको अध्यक्षतामा सम्पन्न उक्त कार्यक्रमका अवसरमा विद्यालयमा अध्ययनरत बिद्यार्थीहरुले विभिन्न सास्कृतिक कार्यक्रमहरु प्रदर्शन गर्नुका साथै स्वस्ति वाचन समेत गरेका थिए ।
यो बारेमा तपाईको प्रतिकृया