रामेछाप । राष्ट्रिय फोटो पत्रकार समूह नेपाल रामेछाप शाखाको जिल्ला भेलाले पत्रकार मिलन विकको अध्यक्षमा जिल्ला समिति गठन गरेको छ । शनिवार मन्थलीको फ्रिडम रिसोर्टमा भएको भेलाले विकको अध्यक्षतामा ११ सदसिय कार्य समिति पनि सर्व सम्मत रूपमा चयन गरेको हो ।
समूहको उपाध्यक्षमा शर्मिला विशुङ्के, सचिवमा राजन महतारा, सह–सचिवमा राज श्रेष्ठ र कोषाध्यक्षमा डोरशङ्कर बरुवाल चयन हुनुभएको छ । त्यसैगरी भेलाले सदस्यहरुमा क्रमश सम्बरबहादुर हायु(प्रशान्त), सिर्जन रोक्का, प्रवीण बयलकोटी, सिर्जना रसाइली, विनीता बुढाथोकी लाई सर्व सम्मत रूपमा चयन गरेको छ ।
हुनुभएको छ । नवगठित समूहका अध्यक्ष विकले स्थानीय सरकार लगायत सरोकारवाला निकायसँग आवश्यक समन्वय गरेर सङ्गठनको गतिविधिलाई अगाडी बढाउने प्रतिबद्धता जनाउनुभयो ।
भेलाको उद्घाटन मन्थली नगरपालिका प्रमुख लव श्रेष्ठले पानसमा बत्ति बालेर गर्नु भएको थियो । सो अवसरमा उहाँले पछिल्लो समयमा समाजमा फोटो पत्रकरीता लोकपृय बन्दै गएको भन्दै त्यसको प्रभावकारिता र ओझलाई नयाँ समितिले जिल्लामा पनि निरन्तरता दिनका लागि कायम राख्नका लागि सुझाब दिनुभयो ।
राष्ट्रिय फोटो पत्रकार समूह वाग्मती प्रदेशका सदस्य नवराज श्रेष्ठको अध्यक्षतामा भएको उक्त भेलाको उद्घाटन सत्रमा राष्ट्रिय फोटो पत्रकार समूहका केन्द्रीय महासचिव घनश्याम श्रेष्ठ, कोषाध्यक्ष सागर श्रेष्ठ,नेपाल पत्रकार महासंघ रामेछापका अध्यक्ष बद्री नयाँघरे लगायत अतिथिको रूपमा सहभागिता रहनु भएको थियो ।
यो बारेमा तपाईको प्रतिकृया