रामेछाप २५ साउन । मन्थली नगरपालिकाले वडा नं १३ को मिल्ती र देवीटारको बजार अनुगम गरेको छ । उप प्रमुख ईश्वरी बस्नेतको नेतृत्वमा बुधबार दिनभर बजारका सबै पसल र होटलको समेत अनुगमन गरिएको थियो । अनुगमनबाट अधिकांश ब्यवसायीहरु खुसि र उत्साहित भएको भएपनि उनिहरुमा चेतनाको कमि र ब्यवासयको संस्थागत विकास प्रतिको गाम्र्भीर्यता भने नदेखिएको अनुगमनकर्ताहरुले बताउनु भएको छ ।
कसैलाई पनि सूचना नगरि छड्के रुपमा गएको टोलीले दुई बजारका गरि ४१ वटा पसल र होटलको अनुगमन गरेको थियो । टोलीले करिब १ लाख रुपैयाँ राजस्व संकलन नै गरेको छ । नेपाल सरकार र स्थानिय सरकारले तय गरेको कार्यविधिका आधारमा सुक्ष्म तरिकाले गरिएको अनुगमनका क्रममा साना देखि ठूला सम्म गरि अधिकाशंमा केहि न केहि कम्जोरी भेटिएको थियो । जस मध्य करिब १ दर्जन जति पसलहरुबाट म्याद नाघेका खाद्यन्न र घरमा उपयोग गरिने सामाग्रि समेत जफत गरिएको थियो ।
अनुगमनका क्रममा आधा जसोले नगरपालिकामा फर्मको दर्ता र नविकरण नै नगरिएिको पाईएको अनुगमन समितिमा रहनु भएका मन्थली नगरपालिकाका राजस्व शाखा प्रमुख उज्वल पोखरेलले जानकारी दिनुभयो । अनुगमनका क्रममा त्यहाँका साना देखि होलसेल पसल सम्को अनुगमन गरिएको थियो । सो क्रममा टोलीले आपसी सहमतिका आधारमा र नगरपालिकाले गरेको पहिलो अनुगमन भएकोले खासै जरिवाना भने कसैलाई पनि गरेन । तर कमी कम्जोरी गर्ने सबैलाई एक हप्ता भित्र दर्ता ब्यवसाय नविकरण गरि भएका कम्जोरी नदोहोर्याइकन स्वस्थ ब्यवसाय गर्नका लागि लिखित रुपमानै सचेत गराएको पनि राजस्व शाखा प्रमुख उज्वल पोखरेलले वताउनु भयो ।
निति विधि बुझाएर गरिएको र फर्म दर्ता नविकरण पनि पसल पसलमानै पुगेर गर्ने ब्यवस्था गरिएकोले हुन सक्छ अनुगमनका क्रममा सबै ब्यवसायीहरु सन्तुष्टी देखिनुका साथै सबैले सुधार गरेर जाने प्रतिबद्धता जनाएको रामेछाप उद्योग वाणिज्य संघका प्रतिनिधि विजय श्रेष्ठले बताउनु भयो । उहाँले भन्नु भयो यो तरिकाले जिल्ला भरिका सबै बजार केन्द्रमा अनुगमन गर्न सक्ने होे भने ब्वसायी क्षेत्रमा देखिने गरेका धेरै समस्या र कम्जोरी दुर हुनुका साथै उपभोक्ताहरुले पनि म्याद नागेका खाद्यन्न सेवन गर्न बाट जोगिने पनि रामेछाप उद्योग वाणिज्य संघका प्रतिनिधि विजय श्रेष्ठल जानकारी गराउनु भयो । अनुगमनमा जिल्ला प्रशासन कार्यालय र आन्तरिक राजष्व कार्यालयका प्रतिनिधि भने कोहि पनि थिएनन् ।
यो बारेमा तपाईको प्रतिकृया