रामेछाप ५ भदौ । सोमबार साँझ रामेछाप कारागारको बाथरुममा लडेर घाइते भई अस्पतालमा मृत्यु भएका रामेछापमा एक कैदीको श.बि मङ्गलवार निजका आफन्तले बुझेका छन् । उमा कुण्ड गाउँपालिका वडा नं ६ गुप्तेश्वरका ८४ वर्षीय पदमबहादुर श्रेष्ठको सोमबार उपचारको क्रममा जिल्ला अस्पताल रामेछापमा निधन भएपछि उनको सब पोस्टमार्टमको लागि अस्पतालमा राखिएको र मङ्गलवार दिउँसो परिवारलाई बोलाएर पोस्ट मार्टम गरेपछि सब मृतकको छोराले बुझेर लगेको जिल्ला अस्पतालले जनाएको छ ।
बलात्कार मुद्दामा २०७७ साल असार १८ गते देखि जिल्ला कारागारमा कैद भुक्तान गरिरहेका ८४ वर्षीय पदमबहादुर सोमबार साँझ बाथरुममा लडेर घाइते भएका र उपचारको क्रममा जिल्ला अस्पतालमा मृत्यु भएको जिल्ला कारागार रामेछापले जनाएको छ । निजलाई जिल्ला अदालत रामेछापले बलात्कारको मुद्दामा २५ वर्ष जेल सजाएको फैसला गरी कारागार पठाएको थियो । जसमा उनको ३ वर्ष १ महिना ५ दिन मात्र कैद भुक्तान भएको थियो ।
उच्च रक्तचाप र प्यारालाइसिस रोगका दीर्घ रोगी समेत रहेका पीडित वृद्ध नियमित स्वास्थ्य परीक्षण र औषधि सेवन गर्दै आएका थिए । उनी जबरजस्ती करणी मुद्दामा २०७७ सालमा जिल्ला कारागार रामेछापमा कैद भुक्तान गर्दे आएका थिए ।
यो बारेमा तपाईको प्रतिकृया