रामेछाप २६ भदौ । रामेछापको लिखु तामाकोसी गाउँपालिका वडा नं ७ को हल्दे बेसीमा मङ्गलवार बेलुकी मोटरसाइकल दुर्घटनामा परि नेपाल पत्रकार महासङ्घ बागमती प्रदेशका सदस्य द्वय श्याम खतिवडा र सन्तोष भुजेल घाइते भएका छन् । हेटौडामा सम्पन्न महासङ्घको प्रदेश बैठकमा सहभागी भएर बिहान मोटर साइकलमा हेटौडा बाट दोलखा फर्कँदै गरेका दुई जना हल्दे बेसीमा पुगेपछि मोटर साइकल अनियन्त्रित भई दुर्घटनामा परी घाइते भएका थिए ।
घाइते हुनासाथ उनीहरूलाई स्थानीय हरू समेतको सहयोगमा तत्काल उद्धार गरी उपचारको लागि दोलखाको किर्नेटार स्थित धुलिखेल अस्पतालमा पुर्याएको थियो । दुर्घटनाका क्रममा श्याम खतिवडाको दाहिने तिघ्रा भाँचिएको र भुजेलको अवस्था भने सामान्य रहेकोले दुवै जनालाई थप उपचारको लागि राष्ट्रिय टमा सेन्टर काठमाडौँमा रेफर गरिएको घाइते भुजेलले बताउनु भयो । उहाँले भन्नु भयो –हामी दुवै खतरामुक्त छौ । मेरो पाखुरामा सामान्य चोट र टाउको दुखेको अवस्था रहेको पनि भुजेलले जानकारी दिनुभयो । यसै बिच नेपाल पत्रकार महासङ्घ रामेछाप शाखाले घटनालाई दुःखदायी भनेको छ । उसले घाइतेहरूको शीघ्र स्वास्थ्य लाभको पनि कामना गरेको छ ।
यो बारेमा तपाईको प्रतिकृया