रामेछाप । उपचारका लागि परिवार सँग काठमाडौँ गएकी रामेछाप नगरपालिका वडा नं ८ लामा गाउँ बस्ने ३२ वर्षीय सुनिता कसाई बेपत्ता हुनु भएको छ । सुस्त मनस्थिति र एउटा खुट्टा राम्रो सँग नचल्ने अवस्थाकी अपाङ्ग सुनिता उपचारको क्रममा राजधानी काठमाडौँ बाटै बेपत्ता भएको उहाँका आफन्तहरूले बताउनु भएको छ ।
उपचारको क्रममा करिब ३ हप्ता अघि काठमाडौँ नगरपालिका वडा नं १५ बाट बेपत्ता भएको र लामो खोजविना पछि पनि बेपत्ता सुनिताको अवस्था पत्ता लाग्न नसेकेको निजका भाइ कुमार साहीले जानकारी दिनु भयो । घरमा श्रीमान् र बाल बच्चा समेत भएकी सुनिता सुस्त मनस्थिति भएकोले आफै कुनै पनि निर्णय गर्न पनि नसक्ने र एक्लै कतै जान पनि नसक्ने भएका कारण काठमाडौँको आफन्तको कोठामा बस्दै आउनु भएको थियो ।
अस्पताल बाट फर्किएपछि कोठामा कोही नभएको बेलामा बाहिर निस्किएकी सुनिता एक्कासि निवासबाटै बेपत्ता भएपछि आफूहरूले प्रहरीमा जाहेरी दिएर उपत्यकाका मुख्य बजार र चोक अनि टोल टोलमा खोजी गरी सक्दा पनि अहिले सम्म सुनिताको अवस्था पत्ता नलागेकोले खोजी कार्यमा सहयोग गरी दिनु पनि सबैलाई भाइ कुमारले आग्रह गर्नु भएको छ । कोही कसै सहयोगी मनहरूले फेला पार्नु भएमा फोन नम्बर ९८४३२४९१८७ र ९८६९१३५१२९ मा सम्पर्क गरी दिनु हुनका लागि पनि कुमारले आग्रह गर्नु भएको छ ।
यो बारेमा तपाईको प्रतिकृया