रामेछाप २४ असोज । लामो समय देखि जिल्लाको दुर्गम ठाउँहरूमा पुगेर यात्रीहरूको मन जित्दै सेवा दिँदै आएको अरनिको यातायात सेवा समितिले विद्युतीय गाडी सञ्चालनमा ल्याएको छ । बढ्दो प्रतिस्पर्धा सँगै सेवाग्राहीहरूको सुविधा र चाहनालाई ध्यानमा राखी अरनिको यातायात सेवा समितिले काठमाडौँ सदरमुकाम मन्थली र दोलखाको मालुखोला सम्मको लागि उक्त गाडी सञ्चालनमा ल्याएको हो ।
अप्ठेरो अवस्था र जोखिमपुर्ण सडकको वाबजुद् पनि दशकौँ देखि जिल्लाको दूर दराजमा पुगेर सेवा मार्फत रामिछापेली सर्व साधारणको मन जित्न सफल अरनिकोले आफ्नो सबै रुटको बस सेवामा विद्यार्थी,जेष्ठनागरिक र अपाङ्गता भएकाहरूका लागि कुल भाडा दरमा ५५ प्रतिशत छुट दिँदै आएकोले पनि यसले आफ्नो सेवामा विशिष्टता कायम गर्न सफल भएको अरनिको यातायात सेवा समिति रामेछापका इन्चार्ज सुभाष फुयाँलले बताउनु भयो ।
अहिले पनि अरनिकोले रामेछापको अलावा विभिन्न जिल्लाको दूर दराजमा पुगेर प्रभावकारी र भरपर्दो सेवा प्रवाह गरी रहेको जिल्ला जानकारी पनि इन्चार्ज फुयाँलले गराउनु भयो । दुर्गम गाउँहरूमा बस सेवालाई थप प्रभावकारी बनाउनका लागि समितिले काठमाडौँको जडीबुटीमा आफ्नो लगानीमा छुट्टै र नमुना बसपार्क निर्माण गरी सञ्चालनमा ल्याई सकेको छ ।
तर समयको माग र प्रतिस्पर्धात्मक बजारमा बिक्नु पर्ने टिक्नु पर्ने समितिको बाध्यताका कारण यो महिना देखि विभिन्न जिल्लाका लागि पहिलो चरणमा ५२ वटा बिजुली गाडी खरिद गरी रामेछापको हकमा भने २१ वटा गाडिले सेवा प्रवाह गरी रहेको जानकारी पनि फुयाँलले गराउनु भयो । समितिले बिजुली गाडी चढ्ने हरूका हकमा उनीहरूको झोला,खर खजाना र सानातिना सामान निःशुल्क बोकिदिने व्यवस्था मिलाएको छ । त्यसैगरि नजिकिँदै गरेको विजया दशमी तथा शुभ दीपावलीको समयमा पनि यात्रीहरूले सम्मान पूर्वक र सहज तरिकाले सेवा लिन सकुन् भननका लागि पनि नयाँ विद्युतीय गाडीहरू सञ्चालनमा ल्याइएको र यसलाई सम्भव भए सम्म क्रमशः जिल्लाका अन्य ठाउँहरूमा विस्तार गर्दे जाने सोच समितिले गरेको पनि इन्चार्ज सुवास फुयाँलले जानकारी दिनु भएको छ । उहाँले सबै विद्युतीय बसहरू यात्री मैत्री भएकोले यात्रीहरूलाई ढुक्क भएर यात्रा गर्न पनि पनि आग्रह गर्नु भएको छ । यात्राको क्रममा यात्रीहरूलाई आफ्ना समितिका स्टाफहरूबाट समस्या सृजना भए मन्थली काउन्टरमा सम्पर्क गर्न नि अनुरोध गर्नु भयो ।
यो बारेमा तपाईको प्रतिकृया