रामेछाप २४ कार्तिक । रामेछाप लिखु तामाकोसी गाउँपालिका वडा नं १ का‘रमेश बाहुन’ सुजन पौडेल ले दुबईबाट व्यवसायीक यात्रा आरम्भ गर्नु भएको छ । करिब ९ वर्ष २ महिना जेल जीवन बिताए सँगै साधा जीवनमा फर्कनु भएका पौडेलले केही दिन अघि मात्रै दुबईमा पुगेर औपचारिक रूपमा सुजनकुमार ह्यूमन रिर्सोज म्यानपावर कम्पनी सञ्चालनमा ल्याउनु भएको हो ।
देशमा काम गर्ने वातावरण नभएपछि पौडेलले दुबईमा पुगेर वैदेशिक रोजगारीको क्षेत्रमा हात हालेका उहाँले अब दुबईमा बसेर आफ्नो व्यवसाय चलाउने जानकारी दिनु भएको छ । व्यवसायी रूपमा वैदेशिक रोजगारी सञ्चालनमा ल्याए सँगै नेपालमा रहेर समाजसेवामा पनि जोडिने उद्देश्य आफूले लिएको पनि पौडेलले बताउनु भयो ।
‘दुबईमा अलपत्र परेका नेपालीलाई रोजगारीको सिल सिलामा काम गर्न सजिलो होस भन्नका लागि आफूले दुबईबाट व्यवसाय आरम्भ गरेको पनि पौडेलले जानकारी दिनु भयो । उहाँका अनुसार मेनपावरले ‘बेरोजगार नेपाली युवालाई विदेशमा रोजगारीका लागि समन्वयात्मक र सहयोगी भूमिका निभाउने छ ।
भिजिट भिसामा दुबईमा लगेर कैयौँ एजेन्टहरूले थुप्रै नेपाली युवायुवतीलाई अलपत्र पारेका छन्। त्यहाँबाट युरोप लैजाने भन्दै पछिल्लो समय त्यसरी अवैध तरिकाले दुबई जाने र लैजानेहरूको बिगबिगी बढिरहेका बेला बाहुनको यो कम्पनीले उनीहरूलाई सहजीकरण गर्नेछ ।
धेरै नेपाली दाजुभाइ, दिदीबहिनीहरूलाई अलपत्र पारिएको छ। उहाँहरूको लागि उचित रोजगारीको व्यवस्थाका लागि सजिलो होस् भनेर हामीले यहाँको नियम कानुनअनुसार नै कम्पनी खोलेर काम सुरु गरेका हौँ’,पौडेलले भन्नु भयो , ‘यसरी दुःख पाएका नेपाली हरुका लागि हाम्रो कम्पनीले मैत्रीपूर्ण सहयोग गर्ने छ ।
कम्पनीले दुबईबाटै युरोपेली देशमा रोजगारीका लागि जान चाहने नेपालीका लागि पनि सेवा दिनेछ। कम्पनी सुरु गरेसँगै उहाँले दुबईमा रोजगारी गरिरहेका र त्यहाँ अलपत्र परेका नेपालीका बारेमा अध्ययन पनि सुरु गरेको छ । उनीहरूको अवस्थाका बारेमा सबै कुरा बुझेपछि कम्पनीले उद्धार र रोजगार खोजीको काम थाल्ने पनि पौडेलले जानकारी दिनुभयो ।
यहाँ धेरै नेपाली अलपत्र परेका छन्, धेरै नेपालीको रोजाइ पनि दुबई नै परेकोले कम्पनीले दुबईमा रहेका नेपालीको अवस्था बुझिरहेको छ । त्यस्ता खालका नेपालीहरूको अवस्था पत्ता लगाएर त्यस्तो भेटिए चाँडै सबै कुरा पत्ता लगाएर त्यस्तो फेला पारे सहयोग र उद्धार गर्ने पनि पौडेलेले जानकारी दिनुभयो । त्यो सँगै उहाँहरूको रोजगारीको लागि पनि सहयोग गर्ने पनि पौडेलले बताउनु भयो । पौडेलका अनुसार –व्यावसायिक अभियानले आफ्नो व्यावसायलाई सहयोग पुग्नुका साथै यसबाट नेपाली युवालाई पनि सकारात्मक सहयोग पुग्ने छ ।
विदेशमा पुगेर व्यवसाय सञ्चालन गरेको भए पनि ‘नेपाली दाजुभाइ, दिदी बहिनीहरूकै हितमा काम गर्न सकियोस् भनेर आफूले यो बाटो रोजेको र चाँडै नै नेपालका म्यानपावर कम्पनीहरू सँग समन्वय र सहकार्य गरेर काम गर्न आफूले चाहेको पनि पौडेलले बताउनु भयो ।
यो बारेमा तपाईको प्रतिकृया