रामेछाप ३० मङ्सिर । नमुना नगर बाल सञ्जाल मन्थलीको आयोजनामा मन्थली नगरपालिकाले शनिवार बाल श्रमलाई निषेध गर्ने अभियान अन्तर्गत मन्थली बाट छोटो तथा लामो दुरीमा चल्ने सार्वजनिक यातायातका साधनमा वाल श्रम सम्बन्धी स्टिकर टाँस गरेको छ ।
मन्थली नगरपालिका महिला तथा बाल बालिका शाखाकी प्रमुख भगवती तामाङको नेतृत्वमा जिल्ला प्रहरी कार्यालय रामेछाप, ट्राफिक कार्यालय र वाल क्लबका पदाधिकारी समेत सँगको समन्वय र सहकार्यमा नगर पालिकाको टोली ब्यानर सहित हिँडेको थियो । टोलीले सार्वजनिक साधनहरूमा बालश्रम विरुद्धका स्टिकर टाँस गर्दे सार्वजनिक यातायातका साधनमा बालश्रमको प्रयोग रोक्नका लागि पनि यातायात ब्यवसायीहरुलाई आग्रह गरेको मन्थली बाल क्लब सञ्जालका अध्यक्ष उत्सव केसीले जानकारी दिनुभयो ।
यो बारेमा तपाईको प्रतिकृया