रामेछाप ३० मङ्सिर । हिउँदे मौसम सँगै आन्तरिक पर्यटन आउने क्रममा वृद्धि भएपछि रामेछाप नपा ८ बावियाखर्कमा रहेको विटार पार्कको सरसफाइ गरिएको छ । पर्यटक बढेसँगै पार्कमा थपिएको फोहोर व्यवस्थापन गरी पार्कको सुन्दरतालाई निरन्तरता दिने उद्देश्यले शनिवार पार्क निर्माण समितिको अगुवाइमा पार्कको सर सफाइ गरिएको हो ।
समितिका अध्यक्ष सुनिल रायको नेतृत्वमा दिनभर सरसफाइमा जुटेको टोलीले पार्क भित्र फालिएका पाल्ष्टिकजन्य र अन्य फोहोरको सामागि हटाउनुका सार्थ पार्कभित्र रहेको झाडी पनि सफाइ गरेको छ । झाडी र फोहोरको मात्रा बढेपछि समितिले अन्य सहयोगी मनहरूको समेत सक्रियता पार्कको सर सफाइ गरिएको हो । समितिले सरसफाइ गर्ने तयारी गरेसङै शुक्रवार मन्थली माविका विद्यार्थी हरू लिएर पार्कमा पुगेका मन्थली माविका वरिष्ठ शिक्षक चन्द्र सिंह धामीले पनि पार्कको सरसफाइले सुन्दरता थप्ने र त्यसका लागि आफूहरूले पनि सहयोग गर्ने प्रस्ताव गरेपछि धामी र अन्य सहयोगी मनहरू समेत भएर पार्क सर सफाइ गरिएको पार्क समितिका प्रवक्ता विपिन भट्टराईले जानकारी दिनु भयो ।
रासमका जाँगरिला युवाहरूले कोरोनाको कहरका बिच निर्माण गरी पार्क निर्माण समितिलाई हस्तान्तरण गरेको उक्त पार्कको भ्रमण र अवलोकनका लागि दिनहुँ सयौँ आन्तरिक पर्यटकहरू जाने गरेका छन् । यसरी जानेहरूमा अधिकांश मन्थली बजार क्षेत्र आसपास र नगरपालिका भित्रका नागरिकहरू र स्थानीय विद्यालयका विद्यार्थिहरु समेत रहेकाले यसको संवर्द्धन र संरक्षणमा सबैले सहयोग गर्नु पर्ने शिक्षक चन्द्रसिंह धामीले बताउनु भयो । पार्कको सरक्षणमा रामेछाप नगरपालिका सँगै मन्थली नगरपालिकाले पनि उत्तिकै चासो दिएर लाग्नु पर्छ शिक्षक धामीले भन्नु भयो ।
सदरमुकाम मन्थली र पुरानो सदरमुकाम रामेछाप बजारको बिच भागमा पर्नै उक्त पार्कको संरक्षणमा स्थानीय र कुनै पनि सरकारहरूले चासो नदिएका कारण पार्कको व्यवस्थापनमा समस्या आएको निर्माण समितिका अध्यक्ष सुनिल रायले बताउनु भयो ।
पार्क निर्माण सँगै समितिले खानेपानी र शौचालय सँगै हिउँदको समयमा पिकनिकमा आउने हरूका लागि निश्चित मूल्यमा खाना पकाउने ग्याँस ,चुल्हो र अन्य सामाग्री सहित पिकनिक सेटको पनि व्यवस्था गरेको र त्यसका लागि स्थानीय समाजले भने सहयोग गर्दै आएको पनि अध्यक्ष रायले जानकारी दिनुभयो ।
यो बारेमा तपाईको प्रतिकृया