निशान साकोसको नाफा २ लाख ३७ हजार

रामेछाप,२८ पुष । निशान बचत तथा ऋण सहकारी संस्थाले गत आर्थिक वर्षमा २ लाख ३७ हजार ९ सय ९१ रुपैयाँ नाफा कमाएको छ ।
संस्थाको शनिबार रामेछाप वजारमा सम्पन्न ११ औँ वार्षिक साधारण सभाका अवसरमा संस्थाका कोषाध्यक्ष अमित कुमार तामाङले सो कुराको जानकारी गराउनु भएको हो ।

उहाले गत आर्थिक वर्ष सम्मको कुल शेयर पुँजी २३ लाख ७५ हजार,जगेडा तथा अन्य कोषहरु १२ लाख ६७ हजार ५ सय ३०,निक्षेप ३ करोड ३४ लाख १ हजार ४ सय ५०,सदस्यलाई ऋण लगानी ३ करोड २ लाख ५५ हजार ८ सय ८५ नगद १० लाख ६६ हजार ४ सय ५९,बैंक ३२ लाख ४७ हजार ६ सय ३५ रहेकोमा हाल संस्थाको तरलता रकम ९० लाखको हाराहारीमा रहेको कुरा पनि उल्लेख गर्नुभएको थियो ।

संस्थाकी सचिव अपना कुमारी श्रेष्ठले गत आर्थिक वर्षको सांगठनिक प्रतिवेदन प्रस्तुत गर्दै आ ब २०८०÷८१ को निति तथा कार्यक्रम समेत प्रस्तुत गर्नुभएको थियो ।
संस्थाका अध्यक्ष सुमन कुमार श्रेष्ठको अध्यक्षता र रामेछाप नगरपालिकाका प्रबक्ता समीर कार्कीको प्रमुख आतिथ्यतामा सम्पन्न उक्त साधारणसभा मा जेष्ठ शेयर सदस्यहरुलाई नगद रु पाच सयका दरले सम्मान गरिएको थियो भने अन्य असल शेयर सदस्यहरुलाई कपसेट दिएर सम्मान गरिएको थियो । सो अवसरमा संस्थाको वारेमा प्रश्नोत्तर गराएर र चिठ्ठा खोलेर विजयी शेयर सदस्यहरुलाई पुरकार वितरण गरिएको थियो ।
कार्यक्रमका अबसरमा बोल्दै कार्यक्रमका प्रमुख अतिथि कार्कीले निशान सहकारी नीति र विधिमा चलेको संस्था भएकोले यसको पारदर्शिता र जवाफदेहितामा शंका गर्नु नपर्ने बताउनुभयो । उहाले यस सहकारीका व्यवस्थापक लगाएत अन्य सञ्चालक समितिहरु दक्ष र इमान्दार भएकोले सहकारी संचालन तथा व्यवस्थापनका लागि खासै समस्या नदेखेको बताउनुभयो । उहाले शहकारीका शेयर सदस्यहरुको मर्म र भावना अनुसार सहकारीको नीति र विधिमा रहेर काम गर्न सञ्चालक समितिका पदाधिकारी एबं सदस्यहरुलाई अनुरोध गर्नुभयो ।

कार्यक्रमका अबसरमा रामेछाप नगरपालिका वडा नं–८ का वडाअध्यक्ष सन्तोष तामाङले शेयर सदस्यहरुले लगेको ऋण इमान्दारिता पुर्वक निर्धारित समयावधि भित्र तिरेर सहकारी सञ्चालनका लागि सहयोग गर्न आग्रह गर्नुभयो ।
सो अवसरमा पत्रकार महासंघ बागमती प्रदेशका कोषाध्यक्ष रमेश ढुंगेल, जिल्ला अध्यक्ष बद्रि नयाँघरे, जिल्ला बचत तथा ऋण सहकारी संस्थाका महासचिब शिव राज श्रेष्ठ, नेफ्स्कुन फिल्ड कार्यालय रामेछापका कार्यालय प्रमुख सूर्य बहादुर थापा लगायतले आ–आफ्नो शुभकामना मन्तब्य राख्नुभएको थियो ।
“खुशी,सुखी र समृद्धिको पहिचान,हाम्रो आफ्नै सहकारी निशान” भन्ने मुल नाराका साथ यस सस्थाले रामेछाप नगरपालिकाको वडाहरु ७,८ र ९ लाई आफ्नो कार्य क्षेत्र बनाएर काम गर्दै आइरहेको छ ।