रामेछाप १७ माघ । रामेछाप जिल्लाको गोकुलगंगा गाउँपालिकाका अध्यक्ष काजीबहादुर खड्काले आफ्ना स्वर्गीय पिता पूर्णबहादुर खड्काले स्थापना गर्नु भएको अक्षयकोषलाई सहयोग रकम उपलब्ध गराउनु भएको छ । उहाँले पालिकाबाट आफूले पाउने सेवा सुविधाको रकमबाट आफ्ना स्वर्गीय पिताका नाममा गोकुलगंगा माध्यमिक विद्यालयमा बाबु पूर्ण बहादुर खड्काले स्थापना गर्नु भएको कोषका लागि २ लाख रुपैयाँ सहयोग गर्नु भएको हो । अध्यक्ष खड्काले विद्यालयको स्वर्ण जयन्तीको अवसर पारेर विद्यालयका प्र अ र व्यवस्थापन समितिका अध्यक्षलाई अक्षयकोष बापतको २ लाख रुपैयाँको चेक हस्तान्तरण गर्नु भएको हो ।
गोकुलगंगा माध्यामीक विद्यालयको स्वर्ण जयन्तीको अवसरमा चेक हस्तान्तरण गर्दे अध्यक्ष खड्काले आफ्ना स्वर्गीय पिताले बर्षाे उक्त विद्यालयमा रहेर पठन पाठन गराएको स्मरण गर्दे सोही क्रममा उहाँले निःशुल्क बर्छौ सम्म अध्यापन गरेर जन्माएको विद्यालयको स्तर उन्नतिको लागी आफूले विद्यालयलाई उक्त रकम हस्तान्तरण गरेको जानकारी दिनु भयो ।
सो क्रममा अध्यक्ष खड्काले आफू पनि स्वर्गीय पिताले देखाएको बाटो अनुसार नै पालिकाको विकासमा लागि रहेको भन्दै आफू जनप्रतिनिधिको रूपमा गाउँपालिकाको नेतृत्वमा आए सँगै पालिकामा कुनै पनि भ्रष्टाचारजन्य क्रियाकलाप हुन नदिएको र आफू पदमा रहुन्जेल त्यस खालका कुनै पनि गतिविधि पनि हुन नदिने ठोकुवा गर्नु भयो । सो क्रममा अध्यक्ष खड्काले पालिकाले उपलब्ध गराउने कुनै पनि सेवा सुविधा आफूले नलिएको भन्दै नियमानुसार आफूले पाउने रकमबाट अघिल्लो वर्ष अर्का एक विद्यालयका लागि आथिक सहयोग सँगै यो वर्ष गोकुलगंगा माध्यमिक विद्यालयका लागि सहयोग गरेको पनि बताउनु भयो । शिक्षा विना देशको विकास सम्भव नहुने भएकोले आफूले निजी तरिकाले होस् या पालिकाको तर्फबाट शिक्षालाई गुणस्तरीय बनाउने विशेष योजनाका साथ काम गरी रहेको खुलासा पनि गर्नु भयो । उहाँले यसका लागि सबैसँग सहयोगका लागि पनि अपिल गर्नु भयो ।
यो बारेमा तपाईको प्रतिकृया