मन्थली,८ साउन । मन्थली नगरपलिकाको राजस्व संकलनको अनलाईन सेवा एक हप्ता अघि देखि नचल्दासेवाग्राहीहरु मारमा परेका छन् ।
साउन १ गतेदेखि नयाँ आर्थिक बर्ष हुने भएकाले निर्माण ब्यसायी, अन्य विभिन्न ब्यवसायी, मालपोतको तिरो र अन्य सेवाका नविकरणहरु का लागि राजस्व संकलन हुन नसक्दा पालिकामा पुगेका सेवाग्राहीहरु निराश भएर फर्कने गरेका छन् ।
साउन लागे देखिनै राजस्वको अनलाइन सेवामा समस्या आएपछि मन्थली नगरले सूचनानै जारी गरेर ८ गते सम्म सेवा अबरुद्ध हुने जनाएको थियो । तर उक्त पुन आज पालिकाले सूचना निकालेर सेवा सुचारु भएको भनेपनि नियमित सेवा सुरु भएको छैन ।
मन्थली नगरपालिकाकी निमित्त प्रमुख प्रशासकिय अधिकृत हित कुमारी पौडेलले आज देखि सेवा सुचारु भएको सूचना प्रकाशन गरेको भएपनि अधिकांस समय सर्वरमा समस्या आएका कारण राजस्व संकलन हुन सकेको छैन ।
यस विषयमा निमित्त प्रमुख प्रशासकिय अधिकृत पौडेलले साउन ७ गते सम्म पालिका मार्फत गर्नुपर्ने आन्तरिक ब्यसस्थापनका लागि सेवा वन्द गरिएको भएपनि आज बाट केन्द्रिय सर्वरमा नै समस्या आएकोले बेला बेलामा समस्या आउने गरेको स्वीकार गनुृभयो ।
राजस्व संकलन शाखाका कर्मचारी दिल कुमार मानन्धरले हामीले गर्ने आन्तरिक कामहरु रातभर बसेर पनि गरिसकेका छौ तर केन्द्र बाट नै अनलाइन सिस्टममा समस्या आएका कारण नियमित सेवा दिन कठीनाई भैरहेको भएपनि सोमबार देखि भने नियमिति सेवा सुचारु हुन सक्ने बताउनु भयो ।
केन्द्रीय सर्वरमा समस्या आउदा जिल्लाका अधिकांस पालिका र ति पालिका अन्तर्गतका वडाहरुमा राजस्व संकलन प्रकृया अबरुद्ध भएको छ । अनलाइन सेवा नचली राजस्व संकलन हुन नपाउदा मालपोत कार्यालय र नापी कार्यालयजस्ता वडाका सिफारीस चाहिने कार्यालयमारु पनि यस बाट प्रभाबित बनेका छन् ।
यो बारेमा तपाईको प्रतिकृया