मन्थली,९ साउन । कानून मन्त्री सोविता गौतमले। उहाले राज्य सँग भएको सिमित स्रोत र साधनबाट जे जति सकिन्छ त्यो अनुसार विकास निर्माणका काम गर्ने आस्वासन दिनुभयो । उहाँले यो सरकारले ५ बर्ष सम्म ढुक्क सँग विकास निर्माणका काम गर्ने र कानून बनाउने बताउनुभयो ।
नागरिकहरुको गुनासो सुन्न जिल्ला जिल्ला निस्कनु भएका मन्त्री गौतमले शनिवार रामेछापको मन्थलीमा जिल्ला प्रशासन कार्यालयले आयोजना गरेको एक कार्यक्रमका अबसरमा सो कुरा बताउनु भएको हो ।
उहाँले कानून निर्माण गर्नेलाई स्थानीय स्तरको बास्तविकता सबै थाहा नहुने भएकाले कानुन कार्यान्वयन गर्ने क्रममा आइपरेका समस्याहरु पनि आफुलाई जानकारी गराउन आग्रह गर्नुभयो । मन्त्री गौतमले आफ्नो पार्टिको सरकार बनेको लामो समय नभएकोले आफुहरु पनि मन्त्रालयको कामगर्ने तरिकाहरु सिकिरहेको पनि बताउनुभयो ।
भौतिक पूर्वाधार तथा योजना मन्त्री सुनिल लम्सालले जिल्लाको विकासका लागि मन्त्रालयले वजेट विनियोन गरिसकेकोले सडक र पुल निर्माण चाडैनै हुने बताउनुभयो ।
उहाँले जिल्ला सदरमुकाम देखि पालिका को केन्द्र सम्मको सडक निर्माण र स्तरोन्नतिको जिम्मेवारी आफ्नो भएको भन्दै सडक निर्माण र पुल निर्माणका लागि आफ्नो मन्त्रालयलाई समस्या नभएको बताउनुभयो ।
मन्त्री लम्सालले पालिका स्तरका सभापतिहरुलाई आ आफ्ना पालिकामा भएका समस्याहरु् लिएर आफ्नो मन्त्रालयमा आउन आग्रह गर्नुभयो ।
सो अबसरमा जिल्ला प्रशासन कार्यालयका सहायक प्रमुख जिल्ला अधिकारी राम बहादुर केशीले जिल्लाको समस्याका बारेमा जानकारी गराउनु भएको थियो भने रामेछाप उद्योग बाणिज्य संघले जिल्लाको ब्यवसायिहरुको समस्या का बारेमा ध्यानाकर्षण पत्र वुझाएको थियो ।
कार्यक्रमका अबसरमा विभिन्न पालिकाका रास्वपा का सभापतिहरुले पालिकामा भएको विकास निर्माणसँग सम्बन्ध्ति समस्याका बारेमा दुबै मन्त्रीसँग गुनासो राखेका थिए ।
यो बारेमा तपाईको प्रतिकृया