काठमाण्डौ,१७ फागुन । सिविस नेपालको आयोजनामा बालश्रम तथा बालयौन दुव्र्यबहार सम्वन्धी पत्रकारहरु सँग छलफल कार्यक्रम विहिवार काठमाण्डौमा सम्पन्न भएको छ ।
संस्थाकी अध्यक्ष विमला ज्ञवालीको अध्यक्षतामा सम्पन्न उक्त कार्यक्रमका अवसरमा कानुन विद् डा. मधुसुदन न्यौपानेले बालबालिका सम्बन्धी कानुनका बिषयमा, सञ्चार विश्लेषक विनय गुरागाँइले इन्टरनेटका माध्यमबाट वालवालिकामा हुने गरेको हिंसा र पत्रकार सीता शर्माले वाल संरक्षण बालश्रम र बाल संबेदनसिल सँग सम्बन्धित पत्रपत्रिका एबं सञ्चार माध्यमहहरुमा भइरहेको प्रकाशन र प्रसारणको अबस्थाका वारेमा कार्यपत्र प्रस्तुत गर्नुभएको थियो ।
सो अवसरमा बोल्दै कार्यक्रमका सहभागिहरुले सामाजिक एबं वास्तविक यथार्थता र कानुनी ब्यवधानहरु मेल नखाएकोले दुवैलाई संयोजन गरी कानुननै परिवर्तन गर्ने कुरालाई जोड दिएका थिए ।
उनीहरुले बालवालिका सँग सम्बन्धीत धेरै घट्नाहरु घट्ने भएपनि सम्बन्धित निकायले त्यसको वारेमा जानकारी नगराउँदा पर्याप्त मात्रामा सञ्चार माध्यमहरुमा उनीहरुका मुद्दा उठान हुन नसकेको भन्दै सबैपत्रकाहरुले यो विषयमा कलम चलाउनका लागि पत्रकारहरुलाई तालिमको आबश्यकता रहेको बताए ।
कार्यक्रमका असवारमा बोल्दै प्रेस काउन्सिलका सदस्य दिपक पाण्डेले आफु वाल्यकालमा आफ्नो घरमा श्रम गरेरै आएकोले बालबालिकाहरुले आफ्नो घरमा गर्ने काम लाई बाल श्रम नहुने बताउनुभयो । उहाले विपन्न परिवारमा जन्मेका बालबालिकालाई खान लाउन र पठन पाठन समेत गराएर आफ्नो घरमा काम लगाउन पाउनु पर्ने कुरालाई जोड दिनुभयो ।
सो अबसरमा बोल्दै संस्थाकी अध्यक्ष ज्ञवालीले सिविसले लामो सयमदेखि बालबालिकाहरुको क्षेत्रमा काम गरिरहेकोले यो विषयमा आएका सल्लाह र सुझावलाई पृष्ठपोणका रुमा लिने भन्दै सहभागिहरुको मागलाई पुरा गर्ने तर्फ आफुले पहल गर्ने बताउनुभयो । कार्यक्रमको सहजिकरण भने सिविसका बालविकास अधिकृत उमंग मैनालीले गर्नुभएको थियो । कार्यक्रममा विभिन्न सञ्चार माध्यमका २५ जना भन्दा बढि पत्रकारहरुको सहभागिता रहेको थियो ।
यो बारेमा तपाईको प्रतिकृया