रामेछाप ३० माघ । रामेछाप नगरपालिका वडा नं ८ वावियाखर्कका राम प्रसाद घिमिरे विश्व हिन्दु महासङ्घ केन्द्रीय कार्य समितिको केन्द्रीय सदस्यमा मनोनीत हुनु भएको छ । मङ्गलवार फागुन २९ गते चितवनको देवघाटमा सम्पन्न केन्दिय कार्यकारिणी समितिको बैठकले महासङ्घ रामेछाप जिल्लाका वरिष्ठ उपाध्यक्ष समेत रहेका घिमिरेलाई केन्दिय सदस्यमा मनोनीत गरेको हो ।
महासङ्घमा रहेर गर्दे आएको कामको मूल्याङ्कनका आधारमा महासङ्घको विधान २०६० को तेस्रो संशोधन २०७९को परिच्छेद ७ दफा २० को (ढ) १ ले दिएको अधिकारका आधारमा घिमिरेलाई केन्द्रीय समितिमा मनोनयन गरिएको महासङ्घले जनाएको छ । केन्दिय सदस्य भए सँगै संस्थाले घिमिरे बाट विधानको सम्पूर्ण रूपमा आत्मसात् गर्दे हिन्दु राष्ट्र पुनः स्थापनको महान् अभियानमा महत्त्वपूर्ण योगदान हुने अपेक्षा पनि गरेको छ । घिमिरे केन्द्रीय सदस्यमा मनोनीत भए सँगै जिल्लाको वरिष्ठ उपाध्यक्ष पद भने खाली भएको छ ।
यो बारेमा तपाईको प्रतिकृया