२४ भदौ, २०७६
मन्थली- जिल्ला प्रशासन कार्यालय रामेछापले बजार अनुगमनलाई तिब्र बनाए सँगै अनुमति नलिई विक्री गर्न राखिएका सुर्ती जन्य पदार्थ र म्याद गुज्रेका सामाग्रीहरु ठूलो परिमाणमा जफत गरेको छ । दशै नजिकिए सँगै व्यवसायिहरुले उपभोक्तालाई ठग्न सक्ने भन्दै जिल्ला प्रशासनले चलाएको बजार अनुगमन अभियानमा प्रशासनलाई यो सफलता मिलेको हो ।
जिल्ला प्रशासन कार्यालय रामेछाप, मन्थली नगरपालिका, घरेलु तथा साना उद्योग विकास समिति, उद्योग वाणिज्य संघ, पत्रकार महासंघ सहितको संयुक्त बजार अनुगमन टोलीले सोमबार देखि खाद्यन्न पसल र किराना पसलको अनुगमन गरिरहेको छ ।
यसरी अनुमति नलिई लुकाई छिपाई सामाग्री विक्री वितरण गर्ने व्यवसायिहरुलाई कारबाही गरिने प्रमुख जिल्ला अधिकारी लिला कुमारी केसी पाण्डेले बताउनुभयो । उहाँले कुनै खाद्यन्नका पसल तथा किराना पसलमा अनुमति नलिई विभिन्न बस्तु विक्री गरेको भेटिएमा तुरुन्त जिल्ला प्रशासनमा जानकारी गराउनु आम उपभोक्तालाई अनुरोध समेत गर्नुभएको छ । अनुमगमनमा धेरै पटक कारबाही भोगेका व्यवसायिहरुले नियमलाई उलंघन गरी मनलाग्दी तरिकाले सामाग्री विक्रि वितरण गरिरहेको आम उपभोक्ताहरुको गुनासो रहेको छ ।
म्याद गुज्रेका सामाग्री र अनुमती विना सुर्ती विक्री गर्ने पसलको नाम हेर्नुहोस्
यो बारेमा तपाईको प्रतिकृया