२६ भदौ, २०७६
रामेछाप- विभिन्न समयमा प्राकृतिक विपदबाट पीडित भएका व्यक्तिहरुलाई जिल्ला विपद व्यवस्थापन समिति रामेछापले आर्थिक सहयोग गरेको छ । जिल्लाको उत्तरी क्षेत्रमा पर्ने उमाकुण्ड गाउँपालिकाको वडा नम्बर ३ कुबुकास्थलीमा भदौ ११ गते पहिरोमा परी राधिका कार्की र वडा नम्बर ५ प्रितिमा भदौ ९ गते चट्याङमा परी साङ्माला तामाङको ज्यान गएको थियो । त्यस्तै भदौ २१ गते वडा नम्बर २ बाम्तीमा बिशाल बस्नेतको घरमा आगलागीका कारण लाखौँको क्षेति भएको थियो ।
जिल्ला विपद व्यवस्थापन समिति रामेछापकी संयोजक एवं प्रमुख जिल्ला अधिकारी लिला कुमारी केसी पाण्डेले मृतकका परिवारलाई उनिहरुकै घरमा पुगरे प्रति परिवारलाई एक लाखका दरले राहात रकम हस्तान्तरण गर्नुभएको छ । त्यस्तै आगलागी पीडित बस्नेतलाई पनि राहात स्वरुप १० हजार नगद सहित अन्य राहात सामाग्री उपलब्ध गराईएको छ ।
प्राकृतिक विपदका कारण आफ्नो परिवका सदस्य गुमाएर पीडित भएका परिवारलाई पीडा कम होस भनेर उनिहरुको घरमै पुगेर राहात रकम उपलब्ध गराईएको प्रजिअ केसी पाण्डेले बताउनुभयो ।
प्राकृतिक विपदबाट पीडित भएका नागरिकहरुलाई स्थानीय सरकारले सहयोग गर्ने व्यवस्था भए पनि विभिन्न कारणले त्यो काम कार्यान्वयनमा नआएको हुँदा विपदबाट पीडित भएका नागरिकलाई सहयोग गर्न स्थानीय सरकारलाई प्रेरण मिल्योस भनेर स्थानीय जनप्रतिनि समेतको सहभागितामा उहाँहरुकै घरमा पुगेर सहयोग गरिएको प्रजिअ केसी पाण्डेले बताउनुभयो ।
राहात रकम लिँदै पीडित परिवारले केन्द्रिय सरकारको प्रतिनिधित्व गर्दै प्रजिअ घरमै आएर आर्थिक सहयोग गर्दा आफूहरुको पीडा केही कम भएको बताएका छन् । कुबुकास्थली र प्रितिका मृतकका परिवारलाई बुधबार तथा आगलागी पीडितलाई बिहिबार राहात रकम हस्तान्तरण गरिएको हो ।
यो बारेमा तपाईको प्रतिकृया