खोलाले बगाउदा महिलाको मृत्यू

मन्थली,४ भदौ । रामेछाप जिल्लाको मन्थली नगरपालिका वडा नं–१० की महिलाको खोलाले बगाएर मृत्यू भएको छ ।
मंगलवार घरवाट आफ्नै खेतमा काम गर्न गएकी सो वडाको महादेवटार वस्ने वर्ष ४५ की लोकमाया श्रेष्ठलाई स्थानीय वफर खोला तर्ने क्रममा खोलाले बगाएको थियो ।
खोलाले वगाएको सूचना प्राप्त हुनासाथ स्थानीय वासी र त्याहा पुगेको प्रहरीले खोजतलास गर्ने क्रममा सोहि खोलाको कल्भर्टमा अड्कीएर मृत्यू भएको अबस्थामा फेला पारेको जिल्ला प्रहरी कार्यालय रामेछापका प्रहरी नायव उपरीक्षक प्रदिक कुमार सिंहले बताउनुभयो ।