३० भदौ, २०७६
रामेछाप- सिन्धुलीको गोलन्जोर गाउँपालिका वडा नम्बर ६ घर भएकी मिना बसेलको दुबै मृगौला फेल भए पछि आफ्नो जीवन रक्षाको लागि सबैसँग सहयोगको अपिल गर्नुभएको छ । मन्थली नगरपालिका वडा नं ६ भलुवाजोर माईती हुनुभएकी २५ वर्षिया बसेलको दुवै मृगौला फेल भएको र उपचारको लागि लाखौ रुपैयाँ आवश्यक पर्ने जानकारी चिकित्सकले गराएपछि अहिले मिना र उहाँको परिवारले उपचारको लागि आर्थिक सहयोगको अपिल गरेका हुन् ।
मृगौला पीडित मिनाले सामाजिक संजालमा लेख्नुभएको छ – ‘म मिना बसेल, गोलन्जोर गाउँपालिका– ६ बलेनि सिन्धुली । बर्ष २५, मेरो दुईवटै किड्नी फेल भएर हाल मानव अंग प्रत्यारोपण केन्द्र भक्तपुरमा उपचारारत छु । हाल उपचारकै क्रममा मैले धेरै रकम खर्च गरिसके, मेरो किड्नी छिटो भन्दा छिटो फेर्नुपर्ने बाध्यता छ, मेरो पारिवारीक हैसियत र क्षमताले उपचार सम्भव नभएकोले देश विदेशमा रहनुहुने सम्पुर्ण मेरा आफन्ताजन, सहयोगी मनहरु, संघ संस्था, लगायतमा सहयोग जुटाई मेरो जीवन रक्षा गरिदिनुहुन हार्दिक अनुरोध गर्दछु ।’
सहयोग गर्न चाहने असल र सहयोगी मनहरुको लागि उहाँले मेघा बैंक खुर्काेट शाखाको खाता (०८१००५००१४०६७) मा रकम जम्मा गरी सहयोग गर्न पनि आग्रह गर्नु भएको छ । त्यसका लागि पीडित बसेलले ९८४४२१४७८५ नम्बरको मोबाइलमा सम्पर्क गरी थप जानकारी लिन सकिने समेत सामाजिक संजालमा उल्लेख गर्नुभएको छ ।
यो बारेमा तपाईको प्रतिकृया