युवतीमाथि खुकुरी हान्ने युवा प्रहरी नियन्त्रणमा

रामेछाप । जिल्लाको उमाकुण्ड गाउँपालिका वडा नं –६ गुप्तेश्वर बस्ने २७ वर्षीया एलिसा सुनुवारमाथि बुधबार साँझ खुकुरी प्रहार गर्ने ३२ वर्षीय रजिन सुनुवार पक्राउ परेका छन् । उनलाई रामेछाप प्रहरीले पक्राउ गरि अनुसन्धानका लागि राखिएको विहिबार जिल्ला प्रहरी कार्यालय मन्थलीमा राखेको हो
बुधबार राति सामान्य विषयलाई लिएर आक्रोशित बनेका रजिनले हानेको खुकुरी बाट गम्भीर घाइते भएकी एलिसा सुनुवारलाई राति नै स्थानिय स्वास्थय केन्द्रमा प्राथमिक उपचारपछि बिहीबार बिहान हेलिकप्टरमार्फत थप उपचारका लागि काठमाडौं लगिएको जिल्ला प्रहरी कार्यालय रामेछापका प्रमुख प्रहरी प्रमुख प्रहरि उपरीक्षक भोला भट्टले जानकारी दिनुभयो । घाईतेको काठमाडौं मेडिकल कलेज अस्पतालमा उपचार भइरहेको छ ।
खुकुरी प्रहारपछि फरार रहेका अभियुक्त रजिन सुनुवारलाई प्रहरीले भुजिबाट नियन्त्रणमा लिएरै बिहीबारै जिल्ला प्रहरी कार्यालय मन्थली ल्याइ थप अनुसन्धान जारी राखेको पनि प्रहरी प्रमुख प्रहरि उपरीक्षक भोला भट्टले बताउनु भयो ।