मन्थली,१४ भाद्र । रामेछाप जिल्लाको मन्थली नगरपालिका वडा नं –२ कठजोरमा रहेको श्री निलकण्ठेश्व मा बिका पूर्व शिक्षकहरु सम्मानित हुनुभएको छ ।
सो विद्यालयको पूर्व बिध्यार्थी समाजले पूर्व शिक्षकहरु क्रमशः गुन्ज बहादुर श्रेष्ठ, विश्वनाथ सुवेदी, मिन बहादुर तामाङ, धनलाल श्रेष्ठ र रामचन्द्र अधिकारीलाई सम्मान गरेको हो ।
पुर्ब बिद्यार्थी समाजका अध्यक्ष घन नारायण श्रेष्ठको अध्यक्षता एबं मन्थली नगर प्रमुख लव श्रेष्ठको प्रमुख आतित्थ्यतामा शुक्रवार उक्त कार्यक्रम सम्पन्न भएको हो ।
कार्यक्रममा मन्थली न पा वडा नं –२ का अध्यक्ष सुरेन्द्र कार्की, तामाकोशी शहकारी अस्पतालका निर्देशक डा.सुमन कर्माचार्य , वडा सदस्यहरु क्रमश चित्र शंकर अधिकारी,बालाकाजी श्रेष्ठ र सृजनसिल समाजका अध्यक्ष कृष्णहरी बुढाथोकी लगाएत स्थानीय शिक्षक विद्यार्थी र अभिभावकहरुको उपस्थिती रहेको थियो ।
सो अबसरम उक्त विद्यालयका १ देखि १२ कक्षासम्मका उत्कृष्ट विद्यार्थीहरूलाई विद्यालय सामग्री हस्तान्तरण गरिएको थियो भने रामेछाप –काठमाडौ सिर्जनशिल समाज कोतर्फ बाट सञ्चालन गरिएको वक्तृत्वकला प्रतियोगिता मा प्रथम, द्वितिय, तृतिय र सान्त्वना पुरस्कार प्राप्त गर्ने प्रतियोगिलाई पुरस्कार समेत वितरण गरिएको थियो ।
कार्यक्रमका अवसरमा बोल्दै नम्बर– २ का वडाध्यक्ष सुरेन्द्रबहादुर कार्की, मन्थली माविका पूर्व प्र अ गुञ्जबहादुर श्रेष्ठ, तामाकोशी अस्पतालका डाक्टर सुमन कर्मचार्य लगाएतले पूर्व विद्यार्थी समाजले गरेको कार्यक्रमको प्रशंसा गर्नु भएको थियो ।
सो अबसरमा सृजनशील समाजका संयोजक कृष्णहरि बुढाथोकीले मन्तब्य राख्दै कार्यक्रमको उद्देश्यका बारेमा बताउनुभएको थियो । कार्यक्रमको सञ्चालन सो विद्यालयका भने पूर्व विद्यार्थी समाजका सचिब अरुण प्रसाद अधिकारीले गर्नु भएको थियो ।
यो बारेमा तपाईको प्रतिकृया