रामेछापबाट कार्की र ढुँगेल एमालेको केन्द्रीय सदस्य निर्वाचित

रामेछाप। (नेकपा) एमालेको ११ औँ महाधिवेशनबाट रामेछाप जिल्लाबाट दुई नेताहरू केन्द्रीय सदस्यमा निर्वाचित हुनु भएको छ । विहिवार सम्पन्न भएको मत गणनाको अन्तिम परिणामा अनुसार रामेछापबाट निर्वतमान केन्द्रिय सदस्य गीता कार्की र माधव ढुङ्गेल पुनःकेन्द्रीय सदस्यमा निर्वाचित हुनु भएको हो । प्राप्त मत परिणाम अनुसार कार्कीले महिला खुला केन्दिय सदस्य तर्फ एक हजार ७ सय ४८ मत प्राप्त गर्नु भएको थियो भने ढुङ्गेलले खुला केन्द्रिय सदस्य तर्फ एक हजार २ सय ९९ मत प्राप्त गर्दै विजयी हुनु भएको थियो । विजयी दुवै जना भारी मतबाट प्रत्यासि ईश्वर पोखरेललाई अध्यक्ष पदमा पराजित गर्न सफल केपी ओलीको समुहबाट मैदानमा उत्रनु भएको थियो
दुई नेता मध्य ढुङ्गेल विद्यार्थि आन्दोलन हुँदै पार्टी संगठन निर्माणमा सक्रिय रहँदै आउनु भएको हो भने कार्कीसँग पनि यसअघि सफल केन्द्रीय सदस्यको जिम्मेवारी निर्वाह गरिसकेको अनुभव रहेको छ ।कार्की र ढुङ्गेल बाहेक रामेछापबाट केन्द्रीय सदस्यमा निर्वाचनको सामाना गर्ने अन्य तीन जनाले भने अधिवेसनको परिणामबाट पराजय ब्यहोर्नु परेको छ । जसमा खुला तर्फबाट उम्मेदवार बनेका एमाले रामेछापका पुर्व जिल्ला अध्यक्ष शान्तिप्रसाद पौडेल, महिला खुला तर्फकी उम्मेदवार गंगादेवी कार्की र बाग्मती प्रदेश महिला क्लस्टरबाट उम्मेदवारी दिनु भएकी सीता कुमारी खत्री पनि निर्वाचनमा पराजित हुन् भएको छ । महाधिवेशनको निर्वाचन परिणामअनुसार पराजित भएका पौडेलले ५सय १९ मत, गंगादेवी कार्कीले एक हजार ४ मत र सीता कुमारी खत्रीले ८सय ७० मत प्राप्त गर्नु भएको जानकारी पनि एमालेद्धारा प्रकाशन गरिएको निर्वाचन परिणाममा उल्लेख गरिएको छ ।