रामेछाप २६ असार । मन्थली नगरपालिकाले चालु आर्थिक वर्षमा कूल बजेटको ८५.०४ प्रतिशत बजेट खर्च गरेको छ । नगरले आज शुक्रबार स्थनिय तीन लाल पार्कमा चालु वर्षको तेस्रो र अन्तिम सार्वजनिक सुनुवाइ कार्यक्रमको आयोजना गरि आफुले चालु वर्षमा गरेको खर्च तथा आम्दानीको विवरण मार्फत सरकारले एक वर्षको अवधिमा खर्च भएको बजेटिकरणको बारेमा सार्वजनिक गरेको हो ।
कार्यक्रमका अवसरमा प्रमुख प्रशासकीय अधिकृत देवर्षि सापकोटाले वार्षिक विनियोजित १ अर्ब ४ करोड ६५ लाख ६४ हजार २०२ रुपैयाँ मध्ये ८९ करोड ४३ लाख ७२ हजार ३१७ रुपैयाँ अर्थात् ८५.०४ प्रतिशत बजेट भने खर्च भईसकेको बताउनु भयो ।
उक्त बजेट मध्ये चालु खर्च मात्रै ६६ करोड ४२ लाख ८४ हजार १०६ रुपैयाँ अर्थात् ९०.५७ प्रतिशत र पुँजीगत तर्फ रु ३१ करोड ८१ लाख ८६ हजार ३८५ रुपैयाँ अर्थात् ७२.३१ प्रतिशत बजेट खर्च गरिएको पनि प्रमुख सापकोटाद्धारा प्रस्तुत प्रतिवेदनमा उल्लेख गरिएको छ ।
त्यसैगरि नगरले चालु आवमा आर्थिक विकास तर्फ ७५.८८ प्रतिशत, सामाजिक विकास तर्फ ८८.९४ प्रतिशत र पूर्वाधार तर्फ ७३.६८ प्रतिशत बजेट खर्च गरिएको जानकारी पनि सो अवसरमा गराईएको थियो ।
त्यसैगरि सुशासन सम्बन्धित क्षेत्रको खर्च ८४.०४ प्रतिशत गरिएको र सबै भन्दा धेरै ९१.२४ प्रतिशत खर्च कार्यालय सञ्चालन एवं प्रशासनिक खर्च तर्फ खर्च गरिएको जानकारी पनि गराईएको थियो ।
जस अन्र्तगत सम्रग खर्चको परिणामका आधारमा १४ वटा वडाका विद्यालय देखि स्वास्थ्य संस्थाहरु र मन्थली नगर अस्पताल सञ्चालन लगाएतको खर्चमा भएको वृद्धिले नगरको खर्च विवरणको शिर्षक बढेको हो ।
अन्य पालीका हरुको जस्तै सार्वजनिक सुनुवाइमा नागरिक सहभागीता न्यून भएपछि सहभागि राजनीतिक दलहरुले नागरिकको अनु पस्थीतिका बारेमा कुरा उठाएका थिए ।
नगर प्रमुख लव श्रेष्ठको अध्यक्ष र प्रमुख आतिथ्इमा भएको उक्त कार्यक्रममा उपप्रमुख ईश्वरी बस्नेत वडा नं २,३,४,५,७,८,११,१२, १३ नम्बरका वडा अध्यक्ष नगरका कर्मचारी र जिल्ला स्थीत सँचार कर्मिहरूको मात्रै उपस्थिति रहेको सार्वजनिक सुनुवाइ नागरिकको उपस्थीत नहुँदा खासै प्रभावकारी भने नदेखिएको हो ।
सार्वजनिक सुनुवाइ कार्यक्रममा उठेका कुराहरुका बारेमा जवाफ दिँदै नगर प्रमुख लव श्रेष्ठले नगरपालिकाले हरेक योजना र कृृयाकलापमा नागरिकका आवश्यकताका आधारमा सवैसँग सहकार्य गरी काम गरि रहेकाले बजेटको खर्चमा कुनै पनि अपारदर्शिता नरहेको विचार पनि प्रस्तुत गर्नु भएको थियो ।
प्रहार मिडिया प्रा.लि संगको सहकार्यमा नगरपालिकाले कार्यक्रमको आयोजना गरेको कार्यक्रमका सँचालक आरसी विकाले जानकारी दिनु भयो ।
यो बारेमा तपाईको प्रतिकृया