मन्थली,१९ बैशाख । रामेछापको मन्थली नगरपालिका वडा नं–४ सालु पोखरेकी अरुणा केशीले बैदेशिक रोजगारी छाडेर गाँउमै बाख्रा पालन ब्यवसाय सञ्चालन गर्नु भएको छ ।
चार बर्ष यु के र ंएघार बर्ष दुवई –कतार गरी कुल १५ वर्ष सम्म बैदेशिक रोजगारीमा रहनुभएकी केशीलाई अरूको मात्र काम गरीरहनु भन्दा स्वदेशमै फर्केर आफ्नै काम गर्न रुची जागेपछि अाफुले गाँउमा आएर बाख्रा पालन ब्यवसाय सुरू गरेको बताउनुहुन्छ ।
अरूले गरेको कृषि तथा पशुपालन कार्यप्रति आफु अाकर्षीत भएर यो पेशा अंगाल्ने अठोटका साथ आफु गाँउ फर्केर यो ब्यवसाय सुरु गरेको पनि उहाँले बताउनुभयो ।
बाख्रा पालनकालागि अहिले उहाँले गाँउमा करिब २० लाख खर्च गरेर आधुनिक किसिमको खोर निर्माण गर्नु भएको छ । आफुले बख्रा पालन मत्र नभएर कुकुरा,गाँई, भैसी , माहुरी पालनको काम गर्ने र कफी खेति गर्ने पनि योजना रहेको बताउनुभयो ।
२०८१ सालमा गाँउ आएर काम सुरु गरेको बताउने उहाँलाँई अहिले सम्म कुनै निकायले सहयोग नगरेको तर मन्थली नगरपालिका अन्तर्गत रहेको पशु स्वस्थ्य शाखाका कर्मचारीहरुबाट भने उहँाले अाबश्यक प्राविधिक सल्लाह पाइरहेकाे बताउनुभयो ।
उहाँका बुबा चित्र केशीले भन्नुभयो– मेरा पाँच वटी छोरी मध्ये अरू सबै शहरतिरै रोजगारीमा छन् , हामी श्रीमान श्रीमती पनि काठमाण्डौंमा बस्छौ तर बैदेशिक रोजगारीमा रहेकी जेठी छोरी राम्रो रोजगारी छाडेर गाँउमै कृषी तथा पशु पालन गर्ने भनेर आएकी छ्नि , कतिको सफल हुन्छे थाहा छैन । यहाँ रेखदेख गर्ने मानिस कै अभाव हुने रैछ त्यसैले पनि धेरै समस्या देखेको छु । तरपनि निरन्तर रुपमा लागिपर्दा सफल हुने छ भन्ने अपेक्षा गरेको छु
यो बारेमा तपाईको प्रतिकृया