मन्थली, २ जेठ । पर्यटन कार्यालय काठमाण्डौले जिल्लामा पर्यटन ब्यवसायी र सरोकारवालाहरूसँग æमिट द पिपुलÆ कार्यक्रम अन्तर्गतको अन्तकृया कार्यक्रम सम्पन्न गरेको छ ।
बागमती प्रदेशका सांसद आनन्द श्रेष्ठको प्रमुख आतिथ्यतामा सम्पन्न उक्त कार्यक्रममा बोल्दै मन्थली नगरपालिका वडा नं –५ का अध्यक्ष रबिन कार्की, उद्योग बाविज्य संघ बागमती प्रदेशका सदस्य जय प्रकाश श्रेष्ठ,रामेछाप उद्योग बाणिज्य संघका अध्यक्ष प्रकाश कुमार श्रेष्ठ, होटल तथा पर्यटन ब्यवसायी गणेश थपलिया लगाएतले रामेछाप जिल्ला पनि अत्यन्तै पर्यन प्रवद्र्धन गर्न सकिने जिल्ला भए पनि यस प्रति सरकारको खासै ध्यान नगएकोे आरोप लगाएका थिए ।
कार्यक्रमका अबसरमा पर्यटन कार्यालयले चालु आर्थिक बर्षमा सञ्चालन भएका कार्यक्रमहरु र आगामी कार्ययोजनाका बारेमा कार्यालयका प्रमुख यज्ञ बहादुर ओलीले आफ्नो प्रस्तुतिका क्रममा बताउनुभएको थियो ।
सो अबसरमा बोल्दै सांसद श्रेष्ठले जिल्लाको पर्यटन विकासका लागि प्रदेशले आबश्यक सहयोग गर्ने तर त्यसका लागि पुरा गर्नु पर्ने आबश्यक प्रकृया सहित सम्बन्धित कार्यालयमा आउन अनुरोध गर्नुभयो । उहाँले भन्नुभयो लुक्ला जाने पर्यटकका लागि चाहिने आबश्यक सबै मापदण्ड यहाँका होटल ब्यवसायीहरुले पुरा गर्नेहोभने यहाँपनि धेरै पर्यटकहरुलाई भित्र्याउन सकिन्छ ।
यो बारेमा तपाईको प्रतिकृया