रामेछाप- स्वर्गीय गिरिजा प्रसाद कोइरालाको १० औं स्मृति दिवसमा गिरिजा प्रसाद कोइरा फाउण्डेशन रामेछापले अस्पतालमा उपचार गराईरहेका विरामीहरुलाई फलफूल वितरण गरेको छ । फाउण्डेशनका अध्यक्ष दीपक खड्का सहितको टोलीले सदरमुकाम मन्थलीमा रहेका विभिन्न अस्पतालमा उपचार गराइरहेका विरामीको स्वास्थ्य लाभको कामना गर्दै फलफूल वितरण गरेको हो ।
फलफूल वितरणपछि बोल्दै फाउण्डेशनका अध्यक्ष दीपक खड्काले स्वर्गीय कोइरालाको चर्चा गर्दै गिरिजा बाबुले नेपालमा राजतन्त्र अन्त्य देखि गणतन्त्र स्थापनाका लागि खेलेको भूमिका महत्वपूर्ण भएकाले स्व. कोइराले समाज परिवर्तनको निम्ती देखाउनु भएको बाटोमा हामी सबै हिड्नु पर्ने धारणा राख्नुभयो ।
त्यस्तै अहिले विश्वभरी महामारीको रुपमा फैलिइ रहेको कोरोना भाइरसबाट बच्नको लागि फाउण्डेशनले विभिन्न चेतनामूलक सन्देश लेखिएका पर्चाहरु वितरण गर्न आजैबाट सुरु गरिएको पनि उहाँले बताउनुभयो ।
फलफूल वितरण कार्यक्रममा नेपाली काँग्रेस महाधिवेशन प्रतिनिधि कृष्ण बहादुर महत, गिरिजा प्रसाद कोइराला फाउण्डेशन रामेछापका जिल्ला कार्यसमितिका पदाधिकारी, फाउण्डेशन प्रदेश सभाका पदाधिकारी लगायतको समेत सहभागिता रहेको थियो । नेपाली काग्रेसका पार्टी सभापति एवं पूर्व प्रधानमन्त्री समेत रहनुभएका कोइरालाको आजकै दिन अर्थात चैत्र ७ गते ८५ वर्षको उमेरमा निधन भएको थियो ।
यो बारेमा तपाईको प्रतिकृया