रामेछाप, १२ मंङ्सिर । बिश्व ब्यापि रुपमा फैलदै गइरहेको कोभिड १९ का संक्रमितहरुको संख्या दिनानुदिन बढ्दै गैरहेको छ ।
स्थानीय प्रशासन र सामाजिक संघ संस्थाहरुले यसका लागि अपनाउनुपर्ने साबधानीका बारेमा प्रचार प्रसार गरिरहेको भएपनि नागरिकहरुले अटेर गर्ने गरेका छन् ।
यसै सन्दर्भमा रामेछाप जिल्लामा पनि कोरोना संक्रमितहरुको संख्या १ सय ९४ पुगेको छ । शुक्रवार प्राप्त प्रतिबेदन अनुसार २ जना स्वास्थकर्मि सहित चारजनाको रिपोर्ट पोजेटिभ आएपछि संक्रमित हुनेहरुको संख्या १ सय ९४ पुगेको हो ।
जिल्ला स्वास्थ्य कार्यालय रामेछापले विहिबार मन्थली नगरपालिकाका २९ र रामेछाप जिल्ला अस्पतालका दुईजना गरी ३१ जनाको स्वाब परीक्षणको लागि धुलिखेल अस्पतालमा पठाएकोमा चार जनाको रिपोट पोजेटिभ आएको हो ।
जिल्ला जनस्वास्थ्य कार्यालयका जनस्वास्थ्य अधिकृत भुवन थापाका अनुसार– शुक्रबार प्राप्त रिपोटका आधारमा कोरोना संक्रमित हुनेहरुमा ३९ बर्षका पुरुष स्वास्थकर्मि,विद्युत प्राधिकरण मन्थलीमा कार्यरत २४ बर्षका पुरुष,नेपाल टेलीकम मन्थलीमा कार्यरत ४९ बर्षका पुरुष कर्मचरी र मन्थली नगरपालिका १३ की ४९ बर्षिया महिला शिक्षक रहेका छन् ।
कुल संक्रमित मध्ये १ सय ८७ जनाले भने कोरोनालाई जितेर घर फर्किसकेका छन् । त्यस बाहेक अब मन्थली नगरपालिकामा ८ जना र रामेछाप जिल्ला अस्पतालमा एक जना गरी कुल ९ जनामात्र सक्रिय संक्रमित आईसुलेसनमा उपचार गराई रहेका र उनीहरुको अबस्था पनि सामान्य भएको जिल्ला स्वास्थ्य कार्यालय रामेछापले जनाएको छ ।
सबै पालिकाका जम्मा संक्रमित मध्ये मन्थली नगरपालिकाका ९४,रामेछाप नगरपालिकाका २८,गोकुलगंगा गाँउपालिकाका २५,लिखु तामाकोशी गाँउपालिकाका २०,सुनापति गाँउपालिकाका १०,उमाकुण्ड गाँउपालिकाका २, खाँडादेबी गाँउपालिकाका ३ ,दोरम्बाका ३ र जिल्ला अस्पतालका कर्मचारी ९ जनालाई संक्रमण पुष्टि भएको जानकारी अधिकृत थापले जानकारी दिनुभयो ।
कोरोनाको संक्रमण शुरु भएसंगै जिल्लामा २ हजार ३ सय ७२ जनाको स्वाब परीक्षण गरिएको र उनीहरु मध्ये १ हजार ८ सय ७४जनाको रिपोट नेगेटिभ आएको छ । यस बाहेक रामेछापमा स्थाई घर भई नेपालका विभिन्न स्थानमा बसोबास गर्ने थप २ सय ५८ जनामा पनि कोरोना संक्रमण भएको थियो ।
यो बारेमा तपाईको प्रतिकृया