रामेछाप १३ फगुन । जिल्ला सरकारी वकिल कार्यालय रामेछापले विहिवार अभियोजन नीति सम्बन्धी छलफल कार्यक्रमको आयोजना गरेको छ ।
कार्यक्रमका अवसरमा जिल्ला न्यायाधिवक्ता यदुनाथ शर्माले पञ्चवर्षिय योजना अन्तर्गत केन्द्र वाट निर्माण भई जिल्लामा प्राप्त भएको अभियोजन नीति निर्देशिकामा थप घट गर्नुपर्ने केहि कुराहरु भएमा त्यसलाई टिपोट गरी संसोधनका लागि आबश्यक पहल गर्नका लागि कार्यक्रमको आयोजना गरिएको वताउनुभयो ।
सो अवसरमा वोल्दै जिल्ला न्यायाधिस मोहन राज भट्टराइले अभियोजन नीतिमा सुधार गर्नुपर्ने कुराहरुका वारेमा कानुन ब्यवसायिहरुलाई वढि जानकारी हुने भन्दै न्याय सम्पादन गर्न र जाहेरी दिन यो नीतिले सहजता थप्नु पर्ने कुरालाई जोड दिनुभयो ।
रामेछाप वार इकाइका पुर्व अध्यक्ष पाण्डव प्रसाद प्रसाईले कुनै ब्यक्तिले अपराधिक कृयाकलाप गरेपछि त्यसको मनो सामाजिकको अबस्थाका वारेमा अनुसन्धान गरेपछि मात्र अभियोजन तयार गर्नुपर्ने वताउनुभयो । उहाँले जिल्लाका विभिन्न उदाहरणहरु दिदै अहिले विभिन्न अपराधिक कृयाकलापमा संम्लग्न रहेका ब्यक्तिहरुको मानसिक सन्तुलन गुमेको जस्तो कुरा गर्ने , आफ्ना गोप्य अंगहरु क्षतवित्तत बनाएर बिक्षिप्त भएर वस्ने गरेकोले यस्ता प्रकारका घटनाहरु हुन नदिन अभियोजन लगाउनु पुर्वनै यसको वारेमा अनुसन्धान हुनुपर्ने कुरा पनि उक्त नीतिमा थप गर्नु पर्ने वताउनुभयो ।
सो अवसरमा निमित्त प्रमुख जिल्ला अधिकारी लिलाराज सुनुवार, कानुन ब्यवसायि शिव कुमार कार्की,रामेछाप वारका अध्यक्ष विचार सिं तमाङ, नेपाल पत्रकार महासंघ रामेछापका अध्यक्ष रमेश ढुंगेल लगाएतले अभियोजन नीतिले सबै क्षेत्र र वर्गलाई समेटेर लैजानुपर्ने कुरालाई जोड दिनुभयो ।
यो बारेमा तपाईको प्रतिकृया