रामेछाप,२ जेठ । नेपाली काँग्रेस चिसापनी–काठमाण्डौ सम्पर्क समितिले वडामा रहेका स्वास्थ्य संस्थाहरूलाई स्वास्थ्य समाग्री हस्तान्तरण गरेको छ ।
विश्वव्यापी रुपमा कोरोना भाइरसको महामारी फैलिएको वर्तमान अबस्थामा स्वास्थ्य संस्थाहरूमा औषधिको अभाव हुन नपाओस भन्दै सम्पर्क समितिले बिभिन्न प्रकारका स्वास्थ्य सामाग्रीहरु हस्तान्तरण गरेको हो ।
मन्थली नगरपालिका–८ चिसापनीमा रहेको चिसापानी स्वास्थ्य केन्द्र र र्आुबेदिक स्वास्थ्य केन्द्रलाई सम्पर्क समितीले ५१ हजार ७ सय बराबरको स्वास्थ्य समाग्री हस्तान्तरण गरिएको नेपाली काँग्रेसका वडा सभापति ओमप्रकाश पुरीले बताउनुभयो ।
स्वास्थ्य संस्थाहरूमा कोरोना उपचारमा प्रयोग गरिने आवश्यकीय औषधि र स्वास्थ्यकर्मिहरूको लागि चाहिने अति आबश्यकीय स्वास्थ्य सुरक्षाका उपकरणहरू सहितका स्वास्थ्य सामाग्रीहरु हस्तान्तरण गरिएको सम्पर्क समितिका सभापति मनोज श्रेष्ठले बताउनुभयो ।
उहाका अनुसार–सहयोग गरेको स्वास्थ्य सुरक्षाका उपकरण तथा औषधिहरूले अहिलेको प्रारम्भिक चरणको अभावलाई केहि मद्धत पुग्ने र चिसापानीका नागरिकहरुकालागि उपयोगमा आउने अपेक्षा लिइएको छ । आगामी दिनमा कुनैकिसिमको सहयोग आवश्यक परेमा सम्पर्क समितिले सहयोग गर्ने छ । उहाले भन्नुभयो – “हामी अहिले बिभिन्न पेशा र ब्यवसाय गरेर काठमाण्डौ बस्ने चिसापानीका ब्यक्तिहरुबाट पहिलो चरणको सहयोग गरेका छौ आवश्यक परे हामी आफुहरूले सक्ने जस्तो सुकै खालका सहयोग गर्न तयार छौं ।”
यो बारेमा तपाईको प्रतिकृया