रामेछाप । रामेछापको खाँडादेवी गाउँपालीका वडा नं ४ सुनकोशिको पुछिघाटमा फेला परेको बेवारीसे लासको सनाखत भएको छ । २०७८ असार २ र ३ गते पुछिघाटको नदि किनारमा फेला परेको बेवारिसे लासको ४ दिन पछि असार ६ गते मात्र पहिचान खुलेको रामेछाप जिल्लाका प्रहरी प्रमुख डिएसपी नबराज ढुंगानाले जानकारी दिनु भयो । ति दुवै लासको पहिचान उनिहरुका छोरा र भतिजाहरुले दिएको निबेदन र हुलियाका आधारमा खुलेको हो ।
पहिचान खुलेकामा एक जना सिन्धुपाल्चोक जिल्ला पाँच पोखरी थाङपाल गाउँपालीका २ बरुवा वस्ने वर्ष ६१ को ठाकुरे स्याँङ्बो भएको र अर्का लास सिन्धुपाल्चोक जिल्ला हेलम्बु गाउँपालीका १ हल्देबेशिका बर्ष ५० का सुनिल तामाङ्गको रहेको डिएसपी ढुंगानाले जानकारी दिनु भयो । त्यसैगरि पाँच पोखरीका ठाकुरे स्याँड्बोको सब निजको छोराले आईतबारै सनाखत पछि पोष्ट मार्टम गरि लगेको र अर्का हेलम्बु गाउँपालीका १ का सुनिल तामाङ्गको भतिजाले सनाखत गरेको र उक्त लास कानूनि प्रकृया पु¥याएर तत्काल आफन्तको जिम्मा लगाईने जिल्ला प्रहरी कार्यालय रामेछापले जनाएको छ । दुवै बेवारिसे लास सिन्धुपाल्चोकको पहिरो पीडितको भएको हुन सक्ने भन्दै प्रहरीले सिन्धुपाल्चोक प्रहरी संगको समन्वयका आधारमा अनुसन्धाना प्रकृया अगाडी बढाएको थियो ।
यो बारेमा तपाईको प्रतिकृया