रामेछाप ६ साउन । ३९ औ वि.पी. स्मृति दिवसको अवसर पारेर नेपाली काँग्रेस रामेछापले मन्थलीमा नव विर्मिति वि.पी. स्मृति भवनको वरीपरी वृक्षरोपण गरेको छ ।
पार्टि सभापति लव श्री न्यौपानेको नेतृत्वमा सो स्थानमा विभिन्न प्रजातिका विरुवाहरु रोपिएको थियो ।
वृक्षरोपण पश्चात आयोजना गरिएको अन्तरकृया कार्यक्रमका सहभागिहरुले विपीले प्रतिपादन गरेको मेलमिलापको सिद्धान्त आन्तरिक रुपमा पार्टि भित्र पनि हुनुपर्ने कुरालाई जोड दिएका थिए ।
पार्टि सभापति न्यौपानेको अध्यक्षतामा भएको उक्त कार्यक्रमका अवसरमा नेपाली काँग्रेसका महाधिबेशन प्रतिनिधिहरु क्रमश पूर्ण बहादुर तमाङ (कान्छाराम),ध्रुव लामा लगाएतलेविपीले दिएको योगदानको चर्चा गर्नु का साथै नजिकिदै गएको पार्टिको चौधौं महाधिबेशनमा गुट उपगुटमा विभाजित नभइ काँग्रेस एक भएर जानुपर्ने कुरालाई जोड दिनुभयो ।
सो अबसरमा कोषाध्यक्ष कुमार श्रेष्ठले भवन निर्माणको १ करोड १० लाख बरावरको आय ब्यय पनि सार्वजनिक गर्नु भएको थियो भने वृक्षरोपण अघि मन्थलीमा रहेको विपीको सालिकमा माल्यार्पण समेत गरिएको थियो ।
यो बारेमा तपाईको प्रतिकृया