रामेछाप । संविधान दिवसको अवसर पारेर आईतबार सदरमुकाम मन्थलीमा भएको मैत्रिपुर्ण फुटबल खेलमा मन्थली नगर युवा सन्जाल प्रथम भएको छ । आज सदरमुकाम मन्थलीको मन्थली माविको मैदानमा भएको मैत्रीपुर्ण खेलको फाईनल चरणमा युवाको टीम कर्मचारी मिलन केन्द्रको टीमलाई २ गोलले पराजित गर्दे प्रथम स्थान ओगट्न सफल भएको हो ।
खेलमा ४ वटा टीम सहभागि भएकामा कर्मचारी मिलन केन्द्रको टिमले द्धितिय स्थान लिन सफल भएको थियो । खेलमा नेपाल पत्रकार महासंघको टिमलाई पनि कर्मचारी मिलन केन्द्रको टीमले २ गोल गर्दे पछि पारेको थियो । जिल्ला फुटबल संघको आयोजना र वातावरण संरक्षण परियोजनाको सहयोगमा भएको मैत्रिपुर्ण फुटबल खेलको आयोजनामा भएको उक्त खेलको उद्घाटन् जिल्ला समन्वय समितीका अध्यक्ष प्रेम खड्काले गर्नु भएको थियो ।
संघका अध्यक्ष सुन्दर घिमिरेको अध्यक्षतामा भएको उक्त प्रतियोगितामा प्रथम हुनेलाई प्रमाण पत्र र नगद ७ हजार र द्धितिय हुने टिमलाई नगद ५ हजार रुपैयाँ र तथा सहभागि सबै खेलाडिलाई प्रमुख अतिथि खड्काले प्रमाण पत्र र विजय टिमलाई नगद पुरस्कार प्रदान गरेका थिए । संघले शनिबार वेलुका पत्रकार सम्मेलनको आयोजना गरि आफनो सबै प्रकृया पुरा भएको जानकारी गराएको थियो ।
यो बारेमा तपाईको प्रतिकृया