रामेछाप,२१ मंसिर । रामेछापको मन्थलीका एक हप्ता देखि जारी दोस्रो माझी गोल्ड कपको उपधि आयोजक जिल्लाको रामेछाप –“ए” समुहले उचालेको छ ।मंगलवार सम्पन्न फाइनल खेलमा रामेछाप – “ए” समुहले मकवानपुर लाई ३–१ ले पराजित गरी प्रथम हुन सफल भएको थियो ।
प्रथमहुने उक्त समुह लाई नगद रु २ लाख सहित शिल्ड, मेडल र प्रमाणपत्र उपलब्ध गराइएको थियो । त्यसैगरी मकवानपुर माझी उत्थान संघको समुह दोस्रो र माझी उत्थान संघ ओखलढुंगाको समुह तेस्रो भएको छ ।
दोस्रो हुनेलाई नगद रु १ लाख र तेस्रो हुनेलाई नगद रु ५० हजार सहित शिल्ड, मेडल र प्रमाणपत्र समेत वितरण गरिएको थियो । ओखलढुंगाले आयोजक जिल्ला रामेछाप –बि समुहलाई ४–१ ले पराजित गरी तेस्रो स्थान हसिल गर्न सफल भएको हो ।
यहि मंसिर १५ गते देखि सुरु भएको उक्त खेलमा आयोजक जिल्ला माझी उत्थान संघ रामेछापका ३ वटा समुह सहित अन्य २० जिल्लाका माझी उत्थान संघका समुहहरु गरी २३ वटा समुहहरुले भाग लिएका थिए । आयोजक जिल्ला रामेछाप – बि ले सान्त्वना पुरस्कार वापद नगद रु २५ हजार, शिल्ड ,मेडल र प्रमाणपत्र प्राप्त गरेको थियो ।
माझी उत्थान संघ रामेछापका अध्यक्ष इन्द्र माझीको अध्यक्षतामा सम्पन्न उक्त कार्यक्रमका विजयी समुहलाई कार्यक्रमका प्रमुख अतिथि एबं बागमती प्रदेशका पूर्व आर्थिक मामिला तथा योजना मन्त्री कैलाश प्रसाद ढुंगेलले ले पुरस्कार बितरण गर्नु भएको थियो । तस्विर सौजन्यः अप्रिल अधिकारी
यो बारेमा तपाईको प्रतिकृया