रामेछाप,२६ मंसिर । नेपाली काँग्रेसको चौधौ महाधिबेशनमा रामेछाप बाट ३ जना केन्द्रीय सदस्यमा भिडिरहेका छन् ।
पूर्ब पार्टि सभापति एबं संबिधान सभा सदस्य आङ टावा शेर्पा, ने वि संघ केन्द्रीय समितिका पुर्ब उपसभापति एबं प्रदेश सभा (क)का सांसदका प्रत्यासी रत्न कार्की र महिला नेतृ बिनिता खड्का केन्द्रीय सदस्यका लागि भिडिरहेका हुन् ।
शेर्पाले जनजाति तर्फ, कार्कीले खुल्ला तर्फ र खड्काले खस आर्य महिला तर्फको केन्द्रीय सदस्यमा मनोनयन दर्ता गराएर चुनाबि भिडन्तमा उत्रिएका छन् । कुल १ सय ५४ जना केन्द्रीय सदस्यका लागि ५ सय ४८ जनाले मनोनयन दाखिला गरी भिडन्तमा प्रबेश गरेका हुन् ।
उनीहरुले आफूलाई बिजयी गराइदिन सबै मतदाताहरुसँग मत मागि रहेका छन् । उनीहरु मध्ये शेर्पा र खड्का डा. शेखर कोइरालाको समुहमा परेको र कार्की शेरबहादुर देउवाको समुहमा परेको कारण आ–आफ्नो जित सुनिश्चित भएको पनि दावी गरिरहेका छन ।
२ वटा प्रदेश निर्वाचन र १ वटा संघिय निर्बाचन क्षेत्र भएको रामेछाप जिल्लाका २७ जना प्रतिनिधि केन्द्रीय महाधिबेशनमा सहभागि भइरहेका छन् ।
यो बारेमा तपाईको प्रतिकृया