रामेछाप ३० पुष । “स्वस्थ मिर्गौला,स्वस्थ मन्थली” भन्ने मूल नारका साथ १४ वटै वडामा अभियान का रुपमा आरम्भ गरेको मन्थली नगरले पुष २८ सम्ममा कुल १७ हजार जनाको मिर्गौला परिक्षण गरेको छ । गत मंसिर ५ गते कार्यालयमा पत्रकार सम्मेलन गरी आफ्ना नागरिकको निशुल्क मिगौला परिक्षण गर्ने घोषणा गरेको मन्थली नगरपालिकाले १४ वटै वडाबाट उक्त संख्यामा मुगौला परिक्षण गरेको जनाएको हो ।
१४ वटै वडा कार्यालय,स्वास्थ संस्था,विद्यालय र सार्वजनिक स्थानमा पुगेर नगरका स्वास्थयकर्मीहरुले निःशुल्क मिगौला परीक्षण गरिरहेका मन्थली नगरपालिकाका स्वास्थ्य प्रमुख केशब फुयाँलले जानकारी दिनुभयो । उहाँका अनुसार – परिक्षण भैसकेका १७ हजार मध्ये कुल १३ सय जनाको मिर्गौलामा सामान्य समस्या देखिएको थियो । सोहि आधारमा उनीहरुका लागि पनि पुष २७ र २८ गते मृगौला रोग विषशज्ञ डा.ऋषि काफ्लेलेको नेतुत्वमा मन्थली प्राथमिक स्वास्थ केन्द्रमा अर्को शिबिर संञ्चालन गरि परिक्षण गराईएको थियो ।
शिबिरमा ४ सय ७२ को पुनः परिक्षण गरिएको र सो क्रममा १ सय ६१ जनामा सुगर र पिसाब सम्बन्धी खराबि देखिएको र २८ जनामा भने मृगौला सम्बन्धी जटिल समस्या देखिएकोले थप उपचारका लागि काठमाडौमा रेफर गरिएको जानकारी नगरपालिकाका स्वास्थ्य प्रमुख केशब फुयाँलले दिनुभयो । फुयाँलका अनुसार राष्ट्रिय मिर्गौला उपचार केन्द्रको प्राविधिक सहयोगमा नगरपालिकाले आफ्नो क्षेत्राधिकार भित्र रहेका सबै नागरिकहरुको निःशुल्क मिर्गौला परीक्षण गर्ने अभियान अनुसार परिक्षणको काम भईरहेको छ ।
नागरिककै अभिमत बाट निर्बाचन जितेको आफुले आफ्नो बाँकि कार्यकालमामा पनि नागरिकहरुका लागि केही स्मरण योग्य काम गर्ने योजना अनुरुप निःशुल्क मिर्गौला परिक्षणको काम भईरहेको नगर प्रमुख रमेश कुमार बस्नेतले बताउनु भयो । उहाले नगर क्षेत्र भित्रका करिव ५१ हजार नागरीकहरुका लागि निःशुल्क रुपमा आरम्भ गरिएको मिर्गौला परिक्षणको अभियान माघ मसान्त सम्म संचालन गरिने जानकारी पनि दिनुभयो । उहाँले परीक्षणको गतिलाई हेर्दा कम्तिमा ३५ । ४० हजार जना अभियानमा सामेल हुने आँकलन पनि गर्नु भयो ।
मिर्गौला वचाउ अभियानका प्रमुख अभियान्त डा.ऋषि काफ्लेले कुल जनसंख्याको १० प्रतिशतमा प्राय मृगौला रोगीहरु फेला पर्ने गरेको कारण आफु पनि मन्थली नगरबासि भएको नाताले पहिलो पटक मन्थली नगर सँग सहकार्य गरेर अभियान संचालन गरेको बताउनुभयो । उहाले यो परीक्षण सामान्य ढंगबाट गर्न सकिने र एक जनाको बढिमा १ मिनेटमा परीक्षण सम्पन्न हुने बतउनुभयो । उक्त कार्यक्रम अघि नगर क्षेत्र भित्र रहेका करिब २७ जना स्वास्थ्य प्रमुखहरुलाई अभियानका चिकित्सकहरुले यस समबन्धी अभिमुखीकरण समेत गराएका कारण परिक्षणको गतिले तिब्रता पाएको जानकारी पनि नगर प्रमुखले गराउनुभएको छ ।
यो बारेमा तपाईको प्रतिकृया