रामेछाप । दोरम्बा शैलुङ गाउँपालिकाका नवनिर्वाचित अध्यक्ष मैन कुमार मोक्तान(मदन) ले पदभार ग्रहण गरेका छन् । उनले आफनो उपाध्यक्ष खमला थापा मगरका साथमा शुक्रवार औपचारीक कार्यक्रमका विच पदभार ग्रहण गरेका हुन् । पदभार ग्रहण गर्दे अध्यक्ष मोक्तानले जनताको मुक्तिकालागि आफनो नेतृत्व निरन्तर रुपमा लागि रहने बताए । उनले नागरिकका हजारौ अपेक्षाका विचमा आफुले कार्यभार सम्मालेकोले काम गर्ने कुरामा चुनौति र अबसर दुवै आफुहरुका सामु आएकोले यसलाई सहज बनाउँदै जनताको पक्षमा काम गर्नका लागि सर्ब निर्वाचित टीमलाई आग्रह गरे । कार्यक्रम अघि उनले आफना नव निर्वाचित उपाध्यक्ष वडा अध्यक्ष र सदस्यहरुलाई पद तथा गोपनियताको सपथ पनि खुवाएका थिए ।
पदभार ग्रहणको अवसरमा दोरम्बा शैलुङ गाउँपालिकाका निवर्तमान अध्यक्ष कमान सिं तामाङ, निवर्तमान उपाध्यक्ष कृशला घिसिङ, प्रमुख प्रशासकीय अधिकृत उदय प्रसाद देवकोटा, विभिन्न राजनीतिक दलका प्रनिधिनिधीहरु, कर्मचारीहरुलगायतको उपस्थिति रहेको थियो । त्यसैगरि पालिकाले सोमबारै निवर्तमान अध्यक्ष लगायतका सबै जनप्रतिनिधिहरुलाई पनि विदाई गरेको छ । उनिहरुलाई पालिकाका प्रमुख प्रसासकिय अधिकृत उदय देवकोटा लगायतले खादा र टिका लगाएर विदाई गरेका थिए ।
यो बारेमा तपाईको प्रतिकृया