मन्थली नगर शुसासनको लागि सहकार्य गर्न तयार छ ःनगर प्रमुख

रामेछाप २० जेठ । मन्थली नगरपालिकाका नब निर्बाचित प्रमुख लब श्रेष्ठले मन्थली नगरको शुसासनका लागि आफु सदैब सवैसंग सहकार्य गर्न तयार रहेको बताएका छन् । आफु भर्खरै मात्र नगरमा प्रबेश गरेको भएपनि शुसासन र जबाफदेहिता विना नगरको संबृद्धि संभब नभएको भन्दै यसका लागि आफुले सबै पक्ष संग हातेमालो गर्न चाहेको पनि बताए ।
शुक्रबार नगरपालीकाको सभाहलमा आयोजित सामाजिक जवाफदेहिताको अभ्यास प्रयास र प्रर्वद्धनमा स्थानिय सरकारको भूमिका विषयक अन्तरक्रिया कार्यक्रममा प्रमुख अतिथिको आसनबाट बोल्ने क्रममा प्रमुख श्रेष्ठले उक्त धारणा राखेका थिए । उनले भने नगरको शुसासनमा भए गरेका कमि कम्जोरीलाई सच्याउन आफु र आफनो टीम तयार रहेको भन्दै त्यसका लागि नागरिक समाजका अगुवा र सिङ्गो संचार जगत संग सुझाबको लागि पनि आग्रह गरे । काम गर्दा सकेसम्म आफुले कम्जोरी नगर्ने र भएमा त्यसलाई सच्याएर जान पनि आफु तयार रहेको श्रेष्ठले बताए ।
मन्थली गरपालिकाको संयोजन तथा स्वास्थ क्षेत्रमा सामाजिक जवाफदेहिता परियोजनाको सहजीकरणमा आयोजित उक्त कार्यक्रममा उप प्रमुख ईश्वरी बस्नेत,वडाध्यक्ष तथा सदस्यहरु,नेपाल पत्रकार महासंघ,नेपाल बार एसोशियसन र गैसस महासंघका पदाधिकारी तथा नागरिक समाजका अगुवाहरुले समेत मन्थली नगरपालीकामा शुसासनका क्षेत्रमा भए गरेका राम्रा प्रयास र सुधार गर्नु पर्ने विषयमा आ आफनो धारणा राखेका थिए ।
सहभागिहरुले स्वास्थ विमा कार्यक्रम प्रभावकारी हुन नसक्दा सर्वसाधारणले दुख पाएको भन्दै स्वास्थ्य क्षेत्रमा यस अघि भए गरेका कमि कम्जोरी र तिनको निराकरणका लागि आग्रह गरेका थिए । उठेका सवालका बारेमा नगरका स्वास्थय प्रमुख केशब फुयाालले जावाफ दिएका थिए ।