रामेछाप, जेठ ३१ । जेठ ३० गते राति परेको अबिरल बर्षादका कारण तामाकोशी नदिमा भिषण बाढि आउन सक्ने र त्यसका लागि सजग हुन नदि किनारमा बासोवास गर्ने मानिसहरुलाई प्रहरी द्धारा माइकिङ गरिन्छ ।
माइकिङ गरेको केहि समय नबित्दै तामाकोशी नदिमा आएको भिषण बाढिले ५ जना मान्छे सहित घर वगाएको सूचना प्रहरीलाई आउछ ।सूचना जिल्ला बिपद ब्यवस्थापन समितिमा पनि आउछ ।
खोज तथा उद्धारमा संम्लग्न नेपाली सेना, नेपाल प्रहरी र शसस्त्र प्रहरीको टोली डुंगा लिएर खोज तलासमा निस्कन्छ , खोज्ने क्रममा टोलिले ३ जनालाई जिबितै उद्धार गरेर रेडक्रस कर्मीलाई जिम्मा लगाइन्छ ।
रेडक्रस कर्मीले डुवेका मानिसहरुलाई प्रथमिक उपचार गरी स्वास्थ्य केन्द्रमा पठाउछ, स्वास्थ्यमा लगेका ३ जना बिरामी मध्ये १ जनाको अबस्था गम्भीर भएपछि रेडक्रसकै एम्बुलेन्स मार्फत थप उपचारका लागि काठमाण्डौ पठाइन्छ र सामान्य घाइते भएका २ जनालाई स्वास्थ्य संस्थामै उपचार पछि घर पठाइन्छ । उता हराइरहेका २ जनाको खोजि कार्य गर्ने क्रममा तामाकोशी नदि किनारमा लास फेला पर्छ ।
लासलाई पोष्ट मार्टम गर्न शब बहान मा मन्थली अस्पताल पठाइन्छ र मृतकका परिवारलाई प्रमुख जिल्ला अधिकारीले तत्काल १ लाख ५० हजार उपलब्ध गराउने घोषणा गर्नु हुन्छ ।
यी सबै मंगलबार जिल्ला बिपद ब्यवस्थापन समिति रामेछापले आयोजना गरेको बाढि पहिरोमा कसरी सजग रहने र खोज तथा उद्धार गर्ने भन्ने बारेमा गरिएको डेमो को कृयाकलापहरु हुन् ।
जिल्ला विपद ब्यवस्थापन समितिका अध्यक्ष दिपक कुमार पहाडिको अध्यक्षता एबं जिल्ला समन्वय समितिका उपप्रमुख प्रेम सागर थापाको प्रमुख आतिथ्यतामा सम्पन्न भएको थियो ।
कार्यक्रमका अबसरमा बोल्दै प्रमुख अतिथि थापाले यस्ता किसिमका चेतनामुलक कार्यक्रमहरु प्रत्येक गाँउपालिका र वडामा गर्नु पर्ने कुरालाई जोड दिनुभयो । उहाले सुरु हुन लागेको बर्षादको समयमा यस्तै खालका विपदहरु आइपर्न सक्ने भन्दै यो बेलामा सबै सजग रहन अनुरोध गर्नुभयो ।
प्रमुख जिल्ला अधिकारी दिपक कुमार पहाडिले बिपद ब्यवस्थापन समितिले हरेक बर्ष यस्तै किसिमका डेमोहरु सञ्चालन गरीरहेको र यस्ता डेमोले नागरिकहरुमा सचेतना फैलाउनुका साथै बर्षादको समयमा स्थानीय वासीहरुलाई सजगभ भएर रहन सहयोग गर्ने बताउनुभयो ।
यो बारेमा तपाईको प्रतिकृया