मन्थलीका नरेश सुवेदीको एसपीमा बढुवा

रामेछाप २९ असार । मन्थली नगरपालिका १ मच्छेडाँडी बस्ने नरेश राज सुवेदी एसपीमा बढुवा भएका छन् । प्रहरी प्रधान कार्यालय, बढुवा समिति सचिवालयको बुधबार बसेको बैठकले ३६ जना डिएसपीको बढुवा गर्न गरेको निर्णय संगै सुवेदी पनि नेपाल प्रहरिको एसपीमा बढुवा हुने सूचिमा परेका हुन् ।
सिफारिस ३६ मध्ये डिएसपी देवेन्द्रबहादुर पाल एक नम्बरमा बढुवामा सिफारिस भएका छन् भने ३६ औं नम्बरमा मोहन कुमार थापाको नाम सिफारिस भएको प्रहरि प्रधान कार्यालयलले जनाएको छ ।
पिता धु्रब प्रसाद सुवेदी र माता कपिला सुवेदीको कोखबाट साईलो पुत्र रत्नका रुपमा २०३६ साल कार्तिक २२ गते मन्थलीको मच्छेडाँडीमा जन्मिएका सुवेदीले अहिले सम्म सिन्धुली ,सिराहा,प्युठान लगायतका आधा दर्जन जिल्लामा रहेर डिएसपीको जिम्मेवारी पुरा गरिसकेका छन् । सानै देखि मेहनति र मेधाबी विद्यार्थिको रुपमा आफनो पहिचान बनाएका सुवेदीले रत्नराज्य कलेज बाट मुख्य अंग्रेजी विषयमा ब्याचलर र प्राईभेट बाट एमए उर्तिण गरेका छन् । पिता ध्रुव सुवेदीका अनुसार उनले मन्थली माविबाट २०५३ ÷ ०५४ सालमा प्रथम श्रेणीमा एस एल सि उतिर्ण गरेका हुन् । सुवेदी अहिले नेपाल कम्युनिष्ट पार्टि माओवादी केन्द्रका अध्यक्ष एवं पुर्व प्रधानमन्त्री पुष्प कमल दाहालका पीएसओको रुपमा जिम्मेवारी पुरा गर्दे आएका छन् ।