रामेछाप २४ साउन । एक पटक नागरिकता लिई सकेकी किशोरीलाई पुःन नागरिकता लिन सिफारिस गरेको वडा सचिबलाई प्रहरीले नियन्त्रणमा लिएको छ । उमाकुण्ड गाउँपािलका वडा नं ४ बस्ने किशोरी निर्मला बस्नेतको नागरिकताका लागि दोहोरो सिफारिस’ गरेको आरोपमा प्रितीका वडा सचिवलाई बुधबार प्रहरीले नियन्त्रणमा लिएको हो ।
जिल्ला प्रहरी कार्यालय रामेछापले दिएको जानकारी अनुसार २०७५ सालमै नेपाली नागरिकता बनाइ सकेकि किशोरी निर्मला बस्नेतलाई पुनः अर्काे नागरिकता लिनका लागि सिफारिस गरेको आरोपमा वडा सचिव पदम कुमारी बस्नेतलाई नियन्त्रणमा लिएको हो ।
२०७५ सालमा नागरिकता लिएर पनि निर्मला एक हप्ता अगाडि पुःन अर्काे नेपाली नागरिकता बनाउनको लागि वडा कार्यालयको सिफारिस सहित जिल्ला प्रशासन कार्यालयमा आफनी बहिनीको विद्यालयको कागजाजको आधारमा सिफारिस सहित निर्मला नेपाली नागरिकता बनाउन सिडियो कार्यालय आईपुगेकि थिईन् ।
प्राप्त कागजाजका आधारमा आरोपीत निर्मला बस्नेतमाथि नागरिकता फाँटका कार्मचारीहरुले शंका गरेका थिए । सो क्रममा उनिहरुले विस्तारै निर्मला माथि सोध खोज गरेका र सो क्रममा उनका कागजपत्र प्वाल परेको र नाम भएको ठाउँमा पनि केरमेट् गरीको भेटिए पछि उनको माग दाविमा खोट देखिएको थियो ।
सोहि आधारमा जिल्ला प्रहरी कार्यालयले वडा सचिबलाई पक्राउ गरि नियन्त्रणमा लिई आबश्यक सोधपुछ गरि रहेको जिल्ला प्रहरी कार्यालय रामेछापका प्रमुख डिएसपी राजकुमार थिङ्ले जानकारी दिए । उनका अनुसार प्रहरि अनुसन्धानका क्रममा रहेकि वडा सचिबको बारेमा प्रहरीले थप अनुसन्धान गर्ने जानकारी पनि थिङ्गले गराए ।
यो बारेमा तपाईको प्रतिकृया