रामेछाप,१३ भदौ । नेकपा माओवादी केन्द्रले आगामी मंसिर ४ गते हुने संघ र प्रदेशको निर्वाचनमा पार्टीलाई सफल बनाउन केन्द्रीय सदस्य श्याम श्रेष्ठलाई रामेछापको नेताको जिम्मेवारी दिएको छ । प्रतिनिधी सभा सदस्य समेत रहेका श्रेष्ठलाई माओवादी केन्द्र बागमती प्रदेशको आइतबार बसेको केन्द्रीय सदस्यसहितको पदाधिकारी बैठकले चुनावी कमाण्डरको जिम्मेवारी दिएको हो ।
बैठकले रामेछाप संगै निर्वाचन क्षेत्रलाई लक्षित गरेर बागमती प्रदेशका सबै जिल्लाहरुका लागि चुनावी कमाण्डर बनाएको छ । जस अन्तर्गत चितवनको चुनावी कमाण्डरमा रेनु दाहाल ,चितवन क्षेत्र नम्बर १ को चुनावी कमान्डरमा कञ्चन खनाल, क्षेत्र नम्बर २ मा घनश्याम दाहाल कमाण्डर तोकिएका छन् ।
त्यसैगरी दोलखामा देवी खड्का र सिन्धुलीमा दीर्घराज श्रेष्ठ र वसन्त माझी, मकवानपुरको क्षेत्र नम्बर १ मा विजय गौतम र क्षेत्र नम्बर २ मा कुमारी मोक्तान, नुवाकोटमा हितबहादुर तामाङ क्षेत्र नम्बर १ मा विमला सुवेदीलाई क्षेत्र नम्बर २ का लागि तोकिएको छ ।
त्यसैगरी काठमाडौंको १ मा अनिल शर्मा, २ मा कुमार पौडेल, ३ मा बद्री बजगाईं, ४ मा गोविन्द बटाला, ५ मा कल्पना शर्मा, ६ मा हिमाल शर्मा, ७ मा रामबाबु फुयाल, ८ मा सरिता श्रेष्ठ, ९ मा शंकर दुलाल र १० मा अञ्जना विसङ्खेलाई चुनावी कमाण्डरको जिम्मेवारी दिएको सो पार्टिले जनाएको छ ।
यो बारेमा तपाईको प्रतिकृया