माओवादी केन्द्र रामेछापले संघमा ११ र प्रदेशमा २३ नेताको नाम पठायो

रामेछाप । नेपाल कम्युनिष्ट पार्टी (माओवादी) केन्द्रले आगामि मंसिर ४ मा हुन लागेको निर्वाचन प्रयोजनका लागि कुल ११ जना नेताहरुको नाम सिफारिस गरेको छ । जिल्ला कमिटि रामेछापको मन्थलीमा सम्पन्न बैठकले संघीय सांसद्को प्रत्यक्ष तर्फ उम्मेद्वारको लागि ६ जना र समानुपातिक तर्फ ५ जना गरि कूल ११ जनाको नाम सिफारिस गरेको ६ भने दुई प्रदेशमा गरि २३ जनाको नाम सिफारीस गरेको छ ।
बैठकले संघका लागि प्रत्यक्ष तर्फ दोरम्बा सैलुड गाउँपालिाका पुर्व अध्यक्ष कमान सिङ् मोक्तान, संविधान सभा सदस्य डिल्लीमान तामाङ, बिक्रम राना मगर, पार्टीको पोलिट्ब्यूरो सदस्य एवं विदेश विभाग प्रमुख युवराज चौलगाई, पुर्व संविधान सभा सदस्य लक्ष्मी गुरुङ र संघिय साँसद श्याम कुमार श्रेष्ठको नाम टिकटको लगि सिफारिस गरेको हो । त्यसै बैठकले समानुपातिक तर्फ उद्दब रम्तेल, नरेशबाबु श्रेष्ठ, श्याम नारायण श्रेष्ठ, सुनिता गौतम र श्रीबहादुर माझीको नाम सिफासिर गरिएको पार्टी जिल्ला अध्यक्ष मैनकुमार मोक्तानले जानकारी दिए । जिल्ला कमिटिले जे जति संख्यामा नाम सिफारिस गरेको भएपनि यस पटक गठबन्धन हुने सम्भाबना प्राय निश्चित जस्तै भएकाले टिकट हात पार्नका लागि नेताहरुले आ आफनो भेटघाट र दौड धुपलाई तिब्र बनाएका छन् ।
त्यसैगरी बैठकले दुई वटा प्रदेश सभाका लागि पुर्व संविधान सभा सदस्य तारा नारायण श्रेष्ठ केन्द्रिय सदस्य एवं सुनापति गाउँपालिकाका प्रमुख धावा लामा लगायत २३ जना नेताहरुको नाम पनि प्रत्यक्ष र समानुपातिकका लागि सिफारिस गरेका छ । जसको नामावली तपसिल बमोजिम रहेको छ ।